دیل سئچین

آختاریش موتورو گوگل فرانسیز مئدیاسینا تالیف حاقی اؤده یه‌جک

اویان نیوز: فرانسیز مئدیا قورولوشلارییلا ائدیلن اؤن راضیلاشما گره‌ گی گووگل، یارادیلا‌جاق فوندا تالیف حاقی اولا‌راق ایلک آشامادا ۶۰ میلیون آورو اؤده‌یه‌جک

آمریکانین دونیا طرفیندن مشهور آختاریش موتورو گوگل، فرانسادا حکومتین آغیر باسقیلاری‌نین آردیندان فرانسیز مئدیاسینا تالیف حاقی اؤدمه‌گی قبول ائتدی.

الیزه ساراییندا ائدیلن آچیقلامادا، جمهور باشقانی فرانسوا اوللاند و مدنیت باخانی آورئلی فیلیپتده ایله گووگل ایداره هیاتی باشچی‌سی اریک شمیدتین ائتدیگی گؤروشمه‌لرین آردیندان، سؤز موضوعسو راضیلاشمانین تامین ائدیلدیگی بیلدیریلدی.

فرانسادا حکومت، ایلک دفعه بیر بین الخالق آختاریش موتورو‌نون تالیف حاقی اؤده‌مه‌گی قبول ائتمه‌سی اعتباریله سؤز موضوعسو راضیلیغی تاریخی بیر راضیلاشما اولا‌راق حساب ائتدی.

گووگل، فرانسیز مئدیاسییلا ائتدیگی اؤن راضیلاشمانین نئجه ایشلیه‌جگی و مئدیا تشکیلات‌لاری‌نین بوندان نئجه فایدالاناجاغی موضوعسونون اؤنوموزدکی گونلرده قطعی‌لیک قازانماسی گؤزلنیلیر.

فرانسیز حکومتی، اؤلکه مئدیاسیندا یئر الان خبرلری تالیف حاقی اؤدمه‌دن آختاریش موتورونا قویان گووگل حاقیندا محکمه‌یه جینایت اعلانی ائتمه تهدیدی ائتمیشدی.

قایناق ت ر ت

یوروم یازین

Back to Top