اویان نیوز: آذربایجان میللی علملر آکادئمییاسینین نیظامی آدینا ادبیات اینستیتوتونون علمی ایشچیسی، خالیده خالیده گؤره حبس ائدیله‌رک آغیر جزا آلمیش آذربایجانلی فعال، یازار و شاعیر ایلقار مؤذن زاده توتولوب.
ایران اینفورماسییا، تهلوکه‌سیزلیک و کشفیات ناظیرلیگینین (اطلاعات) مئشکین شهر (خییوو) شؤعبه سینین امکداشلاری آذربایجانلی فعالی فئورالین ۲۳-ده اؤز منزیلینده حبس ائدیبلر. ای. موذنزادنین محکمه‌نین باره‌سینده چیخاردیغی حبس جزاسینی چکمه‌سی اوچون حبس ائدیلدیگی احتیمال اولونور. لاکین آذربایجانلی فعالین هارادا ساخلانیلدیغی و حبسینین کونکرئت سببی معلوم دئییل.
قئید ائدک کی، موذنزاده اؤتن ایل مایین ۸-ده خییوو شهرینده حبس ائدیلیب. اطلاعات امکداشلاری اونون یاشادیغی آتا ائوینه هوجوم ائده‌رک آختاریش آپارماق ایسته‌ییبلر. لاکین آذربایجانلی فعالین قارداشی احسان مؤذن زاده مأمورلارین قانونسوز شکیلده ائوه داخیل اولماسینا اعتیراض ائدیب. بو سببدن مأمورلار طرفیندن دؤیولن مؤذن زاده ده حبس اولونوب. داها سونرا اطلاعات امکداشلاری ائوده آختاریش آپاریب، آذربایجانلی یازارا مخصوص کومپوتئری، کیتابلاری و بیر سیرا شخصی اشیالاری اؤزلری ایله آپاریبلار. مایین ۹-دا ایسه ائلقار مؤذن زاده آزادلیغا بوراخیلیب. موذن زاده ۴۷ گون اطلاعاتین تبریزده‌کی تجریدخاناسیندا ساخلانیلدیقدان سونرا تبریز شهرینین مرکزی حبس خاناسینا کؤچورولوب. آذربایجانلی فعال عومومیلیکده ۸۴ گونلوک حبس حیاتیندان سونرا ۱۵۰ میلیون تومن ضمانتله تبریز شهرینین مرکزی حبس خاناسیندان سربست بوراخیلیب.
تبریز اینقیلاب محکمه‌سینین اوچونجو شؤعبه سینده موحاکیمه اولونان ایلقار مؤذن زاده و بو ایش اوزره توتولموش دیگر آذربایجانلی فعاللارا ۲۰۱۳-جو ایل اییولون ۱۵-ده حؤکم اوخونوب. حؤکمه اساسن، ۲ آذربایجانلی فعال – ایلقار موذنزاده و محمد (اوختای) رشیدی عومومیلیکده ۳۱ آی آزادلیقدان محروم ائدیلیبلر. ایلقار موذنزاده‌یه بیر یئره توپلاشماقلا میللی تهلوکه‌سیزلییه خیلل وورماغا جهد گؤسترمک ایتتیهامینا گؤره ۲ ایل، حاکیمیت علئیه ینه تبلیغات آپارماق ایتتیهامینا گؤره ایسه ۹۱ گون حبس جزاسی وئریلیب. محمد رشیدی ایسه عئینی ایتتیهاملارا اساسن ۹۱ گون و ۱ آی حبس جزاسینا محکوم ائدیلیب.
دیگر آذربایجانلی فعاللار – آشیق عیسی قاراخانلو و امیر هادییان ایسه بوتون ایتیهاملار اوزره برائت آلیبلار. تبریز اینقیلاب محکمه‌سی آذربایجانلی فعاللاری خالیده خالیدله علاقه قوردوقلارینا، آذربایجان تورکجه‌سینده کیتاب یایدیقلارینا و اطلاعاتین تقدیماتینا گؤره بو شکیلده جزالاندیریب.
خاطیرلاداق کی، محمد رشیدی، خالیده خالید، سوروجوسو شامخال حسین اوو آشیق عیسی قاراخانلو، تبریز آزاد اونیوئرسیتئتینین طلبه‌سی هادییان و فرهادی سوی آدلی شخص اؤتن ایل آپرئلین ۳۰-دا گئجه ساعاتلاریندا اطلاعات امکداشلاری طرفیندن ساخلانیلیبلار. اونلار آذربایجانلی فعالین آتا ائوینده محمد رشیدینین آناسینین دوغوم گونو و ایراندا آنالار گونو موناسیبتیله توپلاشیبلار.
اطلاعات امکداشلاری ائوه باسقین ائدیب، آذربایجانلی فعالا مخصوص کیتابلاری، کومپوتئری و بیر سیرا شخصی اشیالاری موصادیره ائدیب، اونلارین اؤزلرینی ایسه نامعلوم ایستیقامته آپاریبلار.
مایین ۶-دا همین مراسیمین ایشتیراکچیلاریندان اولان ۳ آذربایجانلی فعال مولک گیرووو قویماقلا آزادلیغا بوراخیلیب. بونلار آشیق عیسی قاراخانلی، هادییان و فرهادی سوی آدلی شخصدیر.
آذربایجان وطنداشلاری خالیده خالید و حسین اوو ایسه اییونون ۶-دا حبسدن بوراخیلاراق وطنه دؤنوبلر.
محمد رشیدی ایسه ۵۶ گونلوک حبس حیاتیندان سونرا اییونون ۲۵-ده ۱۰۰ میلیون تومن گیروو قارشیلیغیندا تبریز شهرینین مرکزی حبس خاناسیندان محکمه‌یه دک مووققتی سربست بوراخیلیب. آذربایجانلی فعال اطلاعاتین تبریزده‌کی تجریدخاناسینین تک آداملیق کامئراسیندا ۴۳ گون ساخلانیلدیقدان سونرا تبریز شهرینین مرکزی حبسخاناسینا کؤچورولموشدو.
رئال جعفرلی – آپا
