دیل سئچین

آذربایجاندا مخالیفت بیرلشیر

اویان نیوز: آذربایجاندا جمهورباشقانلیغی سئچیم‌لری اؤنجه‌سینده، بعضی مخالیف پارتیلر و سیویل توپلوم قورولوشلاری، “ائل” آدینی وئردیک‌لری سیاسی بیر کوالیسیون چاتیسی آلتیندا توپلانماق اوچون ایشلره باشلادی

آذربایجاندا اوکتبر آییندا ائدیله‌جک جمهورباشقانلیغی سئچیم‌لری اؤنجه‌سینده، بعضی مخالیف پارتیلر و سیویل توپلوم قورولوشلاری، “ائل” آدینی وئردیک‌لری سیاسی بیر کوالیسیون چاتیسی آلتیندا توپلانماق اوچون ایشلره باشلادی.

اولوشوما، اولوشوماپارتیسی و آذربایجان خالق جبهه‌سی پارتیسی ده دستک وئریر. آذربایجانین باشکندی باکیدا، یئنی اولوشومون مرکزینده گئچیریلن تانیتیمدا، مخالیف سیاسی پارتیلرین و سیویل توپلوم هؤرگوتلرینین باشقانلاری ایله آمریکا، فرانسا، آلمانیا بؤیوک ائلچیلیکلریله، آوروپا گوونلیک و امکداشلیق تشکیلاتی و آوروپا بیرلیگی‌نین آذربایجان افیس‌لری‌نین نماینده‌لری یئر آلدی.

اولوشومون یؤنه‌دیم قورولو باشقان‌لیغینا سئچیلن آذربایجان آیدین‌لار فورومو باشقانی ائلدار نامازوو، آذربایجان سیاسی حیاتیندا بیر بوش‌لوغو دولدوراجاق‌لارینی، ۳۵ ائلده تشکیلاتلانما ایشلرینه باشلادیق‌لارینی قید ائتدی. چوخ ساییدا آکادمیسین، بیلیم و ایدمان آدامی‌نین ایشتیراک ائتدیگی اولوشوما، آذربایجان مخالیفتی‌نین ایکی اؤنم‌لی آدی، موساوات پارتیسی باشقانی عیسی قنبر و آذربایجان خالق جبهه‌سی پارتیسی باشقانی علی کریم‌لی ده دستک وئریر. اولوشوما قاتیلان قروپ‌لارین، تشکیلاتلانما ایشلرین‌دن سونرا، اوکتبر آییندا دوزنله‌نه‌جک جمهورباشقانلیغی سئچیم‌لرینده تک آدایلا سئچیمه گیرمه‌سی گؤزله‌نیلیر.

ت ر ت

یوروم یازین

Back to Top