دیل سئچین

آذربایجانلی میللت وکیلی: «دؤولت اورمییه گؤلو اوچون بیر ریال دا خرجله‌مه‌ییب»

اویان نیوز: اردبیل شهرینین ایران پارلامنتینده‌کی دئپوتاتی کمال الدین پیرموئذنین سؤزلرینه گؤره، اؤتن ایل (گونش ایلی) قوروماقدا اولان اورمییه گؤلونو قوروماق اوچون ایران دؤولتی بیر ریال بئله پول خرجله‌مه‌ییب.

«۱۳۹۱-جی گونش ایلین‌ده (مارت ۲۰۱۲ – مارت ۲۰۱۳) اؤلکه‌ده ائکولوگییانی قوروماق اوچون معیینلشن بودجه الاقدار اورقانلارا چاتدیریلماییب. مثال اوچون، دؤولت وئردیی سؤزلره باخمایاراق، اورمییه گؤلو اوچون ایجرا اورقانلارینا تک ریال بئله اؤد‌مه‌ییب،» – دئیه ایران مجلیسی ائکولوگییا کومیته‌سینین عضوو اولان آذربایجانلی میللت وکیلی ایسلامی ایشچی پارتییاسینا باغلی وئب صحیفه ایله موصاحیبه‌ده قید ائدیب. ۲۰۱۱-جی ایلین سنتیابریندا اورمییه و تبریز کیمی شهرلرده اورمییه گؤلو ایله باغلی کوتلوی اعتراضلارین باش وئردیی زامان ایران دؤولتی ائکولوژی فلاکتین قارشی‌سینین آلینماسی اوچون ۹۰۰ میلیون دوللار وسایت آیریلدیغینی بیلدیرمیشدی. « کمال الدین پیرموئذنینین سؤزلری بیر داها ثبوت ائتدی کی، دؤولتین کوتلوی اعتراضلار زامانی وئردیی ودلر هئچ زامان گئرچک اولماییب. اونلار ساده‌جه اعتراضلاری یاتیرماق ایسته‌ییبلر،» – دئیه آذربایجان وئب صحیفه‌لری یازیبلار.

آمریکا سسی

یوروم یازین

Back to Top