اویان نیوز: پرئزیدئنت ایلهام علیو ایلک آوروپا اولیمپییا اویونلارینین (آوو) باکی‌دا کئچیریلجیینی آذربایجانین اقتصادی ایمیجینین آرتماسی ایله ایضاح ائدیر.
“داووس اومومدونیا اقتصادی فورومونون حسابلامالارینا گؤره، آذربایجان اقتصادیاتی مدب مکانین‌دا رقابت قابیلیتلیلیینه گؤره بیرینجی، دونیا میقیاسین‌دا ایسه ۴۶-جی یئرده‌دیر” دئیه‌ن علیو، بو عامللرین باکینین نامیزدلیینین قبول ائدیلمه‌سین‌ده رول اوینادیغینی بیلدیریب.
اویونلارلا باغلی تشکیلات کومیته‌سی ایجلاسین‌دا جناب علیو بؤیوک میقیاس‌لی تدبیرلرین کئچیریلمه‌سین‌ده “یئنی ایستاندارتلارین، آذربایجان ایستاندارتلاری”نین تطبیق اولوندوغونو قید ائدیب.
“چونکی ایسته‌نیله‌ن بئینلخالق تدبیر آذربایجان‌دا، باکی‌دا یوکسک سوییه‌ده کئچیریلیر و حساب ائدیره‌م کی، آوروپا اویونلاری دا یوکسک سوییه‌ده کئچیریله‌جک‌دیر”.
آذربایجان ایدمان‌چیلارینین موسابیقه‌لرده ایشتیراکینی “اوغورلو” آدلان‌دیران پرئزیدئنت، بونون دا آوو-نو باکییا گتیریلمه سببلرین‌دن اولدوغونو سؤیله‌ییب.
اویونلارا حاضیرلیغا ایکی ایل قالدیغینی خاتیرلادان علیو، احتیاج یارانارسا، “علاوه ایدمان اوبیئکتینین تیکیلمه‌سینین ۲۰۱۵-جی ایله قدر حل ائدجیینی” بیلدیریب.
هله‌لیک ایسه یاریشلارین کئچیریلمه یئری کیمی، حیدر علیو آدینا ایدمان-کونسئرت کومپلئک‌سی، توفیق بهراموو آدینا رئسپوبلیکا ایستادیونو، «باکو جریستال هالل»، «سرحدچی» ایدمان کومپلئک‌سی، ال اویونلاری سارایی، ۸-جی کیلومئتر ایستادیونو، گوله آتیجی‌لیغی ایستئن‌دی و باکی ائکسپو مرکزی سئچیلیب، آوو-نون تشکیلات کومیته‌سینین رهبری مئهریبان علیوا دئییب.
“۲۰۱۵-جی ایلدک اولیمپییا ایستادیونونون، سو ایدمان نؤولری مرکزینین و گیمناستیکا کومپلئک‌سینین اینشاسینین بیتمه‌سی پلانلاشدیریلیر و بو یئنی قورولان ایدمان سارایلاری دا اویونلار زامانی ایستیفاده اولوناجاق‌دیر. ۱-جی آوروپا اویونلارینین رس‌می آچیلیش و باغلانیش مراسیملرینین باکی‌دا، بؤیوکشور گؤلونون یاخینلیغین‌دا اینشا اولونان ۶۵ مین یئرلیک اولیمپییا ایستادیونون‌دا کئچیریلمه‌سی نظرده توتولوب”.
خانیم علیوا یاریشلارین تخمینی واختینی دا آچیقلاییب، “I آوروپا اویونلارینین ۲۰۱۵-جی ایلین ایون-ایول آیلارین‌دا کئچیریلمه‌سی نظرده توتولوب”.
تخمیناً بئش مین نفره قدر ایدمانچینین ایشتیراک ائدجیی تدبیرلرده رس‌می نماینده هئیتی مین اولا بیلر، ایکی مین ژورنالیست ایسه حادثه‌لری ایشیقلان‌دیرا بیلر.
ایلک بئله یاریش کئچیریلدیین‌دن، لوقو، شوعار، سیموول و هیمنی ده ایلک دفعه حاضرلانیر. ایلک حاضرلیق ایجلاسی اؤت‌ن شنبه کئچیریله‌ن تشکیلات کومیته‌سی بو ایل یانوارین ۱۷-ده یارادیلیب.
قایناق بی بی سی
