دیل سئچین

آذربایجان ملی حؤکومتینه بیر باخیش (ایکینجی بؤلوم)

1472634_631191420277153_2100471737_o

اویان نیوز: 

یتیم و صاحب‌سیز اوشاق‌لارین تربیه‌سی حاققیندا

آذربایجان میللی حؤکومتی‌نین قراری

قرنلر بویو داوام ائده‌ن استبداد رژیمی و چوروموش ارتجاعی وضعیتین یاراتدیغی شرایط ایچون میللتیمیزین استقبالینی و گله‌جک نسلیمیزین اساسینی تشکیل ائده‎ن اوشاقلاریمیزین مهم بیر حصه‌سی یتیم و سرپرست‌سیز قالیب انسانلیغی تحقیر ائده‌ن فلاکت و دیلنچیلیک حالیندا کوچه و خیابانلاردا آجلیق و لباس‌سیزلیق و جور- بجور ناخوشلوقلار واسطه‌سیله خزل کیمی سارالیب و محو اولوب گئتمکده‌دیرلر.

آذربایجان میللی حؤکومتی خلقین استفاده و سعادتی و همچنین گلجک نسلین تمدن و صحت جهتدن ترقیسینی تامین ائتمک ایچون بو آجی حاله بیر آن اول خاتمه وئرمگه اقدام ائدیب یتیم و بی‌کس جوانلاری کوچه‎‌لردن ییغیب تربیت ائتمک ایچون آشاغیداکی قراری قبول ائتمیش و اونون تئزلیکله اجرا ائدیلمه‌سینی لازم گؤرموشدور:

1472634_631191420277153_2100471737_o 1484933_631191310277164_1002112927_n medrese ceshn mektebleri duzelmesi qizlar medrse sovet medrese

آستارا

حرکاتین اشتراکچیسی محمد شمسی او گونلری خاطیرلارکن یاشادیغی آستارا شهری ایله باغلی بئله یازیر:

گوندن-گونه آرتان خالق حرکاتی قارشیسیندا اؤزونو داها پیس حس ائدن ارتجاعی قووه‌لر انقلاب حرکاتی قارشیسندا تاب گتیرمک اوچون جیددی تدبیرلره و تشبثلره ال آتدیلار. اونلار نه واسطه ایله اولور- اولسون آزادلیق و دموکراسی دوشمن‌لرینی بیر یئره توپلاماق و بئله‎لیکله اؤز قووه‌لرینی متشکل‌لشدیرمه‌یه چالیشیردیلار.

ارتجاع قووه‌لرینه رهبرلیک ائتمک ایسه آستارا شهری‌نین سرحد رئیسی سرهنگ علی ظهیرنیا یا تاپشیریلمیشدی. او، انقلابی حرکاتا قارشی موباریزه‌ده شهرت تاپمیش آستارا کندلری‌نین قدار دوشمنی و بؤیوک بیر قولدور دسته‌سینه مالیک اولان ضرغام ساسانی و رشیدخان ساسانی‌دن استفاده ائتمک مقصدی ایله اونلاری اؤز یانینا چاغیردی. آستارا فیرقه تشکیلاتی دوشمنین فتنه‌کار فعالیتینی ایزله‌ییر و اونا قارشی عکس تدبیرلری گؤروردو. نهایت ۱۳۲۴- جی ایل آذر آیی‌نین ۵-ی گئجه، آستارا محلی کومیته‌سی آستارادا اولان دؤولت قووه‎‌لرینی ترک سیلاح ائتمک قرارینا گلدیو کمیته‌نین چاغریشینا اساسا آستارا فدایی‌لری خیردا- خیردا دسته‌لر حالیندا بیرلشه‌رک دؤولت ایداره‌لرینی محاصره‌یه آلدیلار و مرکزله آستارانین رابطه‌سینی کسدیلر.

یازان محمد شمسی علاوه ائدیر کی، بئله‌لیکله آذر آیی‌نین ۵- ده ایلک دفعه اولاراق آستارا اوزه‌رینده آزادلیق بایراغی دالغالانماغا باشلادی.

27

یوروم یازین

Back to Top