دیل سئچین

"آزادليق" و "يئني موساوات" قزئتلرينين کوللئکتيوي اعتيراض ائدير

اویان نیوز :  دئکابرین ۲۸-ده”آزادلیق” و “یئنی موساوات”قزئتلرینین کوللئکتیوی “قاسید” یاییم فیرماسینین قارشیسیندا پیکئت کئچیریب.

“آزادلیق”این باش رئداکتورونون بیرینجی موعاوینی راهیم حاجییئو و کؤشه یازاری شاهولد چوبانوغلو چیخیش ائده‌رک فیرمانین قزئتلره اولان بورجونون اؤدنیلمه‌سینین واجیبلیگینی دئییب.
“قاسید” فیرماسی “آزادلیق” قزئتینه اولان ۳۵ مین ماناتلیق بورجونو هله ده اؤدمیر، بو ایسه کوللئکتیوه جیدی مالیییه پروبلئم یارادیر” ،ر.حاجییئو بیلدیریب.

ژورنالیستلر “قاسید”این رهبرلیگینه اونوانلانان “پولوموزو وئرین” شوعاری دا سسلندیریب.
آکسییا ایشتیراکچیلاری “قاسید” فیرماسینین دیرئکتورو میرکازیم کازیموو طرفویندن قبول ائدیلیب.

گؤروش زامانی م.کازیموو قزئتلره اولان بورجلارینی قایتارماقلا باغلی هر هانسی کونکرئت فیکیر بیلدیرمه‌ییب. او، عومومی سؤزلرله بورجو قایتاراجاقلارینی ود ائدیب. اؤزلرینین ده مالیییه بؤهرانی ایچینده اولدوقلارینی دئین فیرما دیرئکتورو گلن ایلین فئورالیندان وضعیتلری یاخشیلاشاجاغی حالدا قزئتلره اولان بورجلارینی اؤدمه‌یه باشلایاجاقلارینی بیلدیریب.

 قافقاز اینفو

یوروم یازین

Back to Top