دیل سئچین

آلیانس آمریکادا کامپانییا حیاتا کئچیریر

اویان نیوز: آ ب ش-دا فعالیت گؤستره‌ن غیری-حکومت تشکیلاتی اولان آذربایجان آمریکا آلیان‌سی (آاا) خوجالی حقیقتلرینی دونیایا چاتدیریان نؤوبتی گئنیش کامپانییا حیاتا کئچیریر. بو حاق‌دا آلیان‌سین رس‌می     فیسبووک صحیفه‌سین‌ده (https://www.facebook.com/pages/Azerbaijan-America-Alliance/296931403654112) معلومات وئریلیر. بئله کی، آاا خوجالی سویقیری‌می حاقین‌دا گئرچک فاکتلاری گئنیش کوتله‌یه و دونیا ایجتیمایتینه چاتدیرماق اوچون آ ب ش پایتاختی واشینقتونون مرکزی کوچه‌لرین‌ده خوجالی حادثه‌لرینه دایر معلوماتلاری عکس اتدیرن ایللیومیناسییا پوستری تشکیل ائدیب.

قئید ائدک کی، آذربایجان آمریکا آلیانسینین ۲۰۱۲-جی ایلده خوجالی سویقیری‌می ایله باغلی کئچیردیی کامپانییا یوز میلیونلارلا اینسانی احاطه ائتمیشدی. او زامان، کامپانییا چرچیوه‌سین‌ده نیو-یورک و واشینقتونون مرکزی کوچه، واغزال و مترو ایستانسییالارین‌دا پوستر و بنرلردن توتموش آ ب ش کونقرسمنلرینین بیاناتلاری، خوجالی سویقیریمینا حصر اولونموش فیلم و دیگر تبلیغات تدبیرلری حیاتا کئچیریلمیشدی.

بون‌دان باشقا «واشینگتن پست»، «نیویورک تایمز» قزئتلرین‌ده ۲۶ فئورال سایینین بوتؤو بیر صحیفه‌سی خوجالی سویقیریمینا حصر اولونموش‌دو. همچینین « واشینگتن پست »، « نیویورک تایمز » و «پولیتیکو» درگیلرینین اینترنت صحیفه‌لرین‌ده ۱ هفته مدتین‌ده خوجالی سویقیریمی ایله باغلی پوپ-اوپ یرلشدیریلمیشدی.

نیویورک شهرینین ان بؤیوک دمیریولو واغزالی اولان « Penn Station »دا ایسه واغزالین گیریش و چیخیش قاپیلاری و موختلیف کؤشه‌لرین‌ده، او جمله‌دن مترو ایستان‌سییالارین‌دا خصوصی پوسترلر یرلشدیریلمیشدی. همچینین آوتوبوس دایاناجاقلارین‌دا و آوتوبوسلارین اوزرینده بنرلر یاپیشدیریلمیشدی. واشینقتون شهرین‌ده ۴۰۰-دن چوخ مترو قاتارلارین‌دا، او جمله‌دن ۹۵ مترو ایستان‌سییاسین‌دا، « Capitol Hill »ا گئدن آوتوبوسلاردا پوستئرلر یئرلشدیریلمیش‌دی.

آذربایجان آمریکا آلیان‌سی آ ب ش-دا فعالیت گؤستر‌ن بیطرف، غیری-کوممرسییا تشکیلاتی اولوب، آمریکادا آذربایجانین تاریخی، مدنیتی، اینجسه صنعتی، تحصیلی، ایدمانی، اقتصادیاتینین تبلیغی ایستیقامتین‌ده چالیشیر. آلیان‌سین میسییاسینا آذربایجان و آمریکا خالقی آراسین‌دا قارشی‌لیق‌لی آنلاشما و حؤرمت موحیطینه دستک تعمین ائتمک داخیل‌دیر. آلیانس آکادمیک موذاکیره‌لر، مده‌نی پروقراملار و سیاسی صحبتلر واسطه‌سیله آذربایجانلا آمریکا آراسین‌دا داوام‌لی طرفداشلیغین تشویقی ایله مشغول اولان اساس تشکیلاتا چوریلمک نیتینده‌دیر.

قافقاز اینفو

بو خبرین چئویریسی اویان نیوز سیته سی وئریندن اولموشدور و آنجاق قایناق وئررک یایینلانا بیلر

یوروم یازین

Back to Top