دیل سئچین

آمریکادان روسیایا قیناما

Obama

اویان نیوز: آمریکا، روسیانین اوکراینا یؤنلیک چابالارینی پیسله‌ییب. آمریکا پرزیدنتی باراک اوباما، روسیا پرزیدنتی ولادیمیر پوتینله تلفوندا ۹۰ دقیقه بویونجا اوکراینی دانیشدی.

آغ ائودن ائدیلن آچیقلامایا گؤره، اوباما، گؤروشمه‌ده، روسیانین، اوکراین‌ین اگمن‌لیگی و اراضی بوتؤو‌لوگونه قارشی آچیق پوزولماسی‌نین دویدوغو درین قایغینی دیله گتیردی.

آچیقلامادا، “آمریکا، روسیانین اوکراین تورپاق‌لارینا یؤنلیک نیظامی مداخیله‌سینی قیناییر” ایفاده‌سی ایستیفاده ائدیلدی.

آمریکان رهبرلیگی‌نین باسقینی آزادما چاغیریسیندا اولدوغو یازیلان آچیقلامادا، روس عسگرلری‌نین اوکراین کیریم مختار جمهوریتین‌دن چکیلمه‌سی و اوکرایندا بنزر چابالاردان قاچینماسی لازیم اولدوغو ایفاده ائدیلدی.

اوبامانین پوتینی خبردار ائتدیگی گؤروشمه‌ده، روسیا رهبرلیگی‌نین اؤلکه‌ده یاشایان روس‌لارا قارشی اتنیک حرکتلرین ناراحات‌لیغی داشینماسی وضعیتینده، اوکراین حکومتی ایله باریش بیر شکیلده اونسیته گئچیله‌بیلگی ایفاده ائدیلدی.

اوباما، روسیا و اوکراین آراسیندا اولوسلار آراسی اورقان‌لار نزدینده عاجیل دیالوق گؤروشمه‌لری باشلادیلماسی موضوعسوندا واشینگتون رهبرلیگی‌نین ده بونا قاتیلماق اوچون حاضیر اولدوغونو چاتدیردیغی قید ائدیلدی.

آمریکا پرزیدنتی، روسیانین موجود رفتارینا داوام ائتمه‌سی حالیندا اؤلکه‌نین اولوسلار آراسی توپلومدا دوروشونون منفی تاثیرلنه‌جگینی چاتدیردی.

آغ ائو واشینگتون رهبرلیگی‌نین، بیرلشمیش میللت‌لر تشکیلاتی‌نین گوونلیک شوراسی، ناتو و آوروپا گوونلیک و امکداش‌لیق تشکیلاتی ایله گؤروشه‌جگینی ایفاده ائتدی.

اوباما رهبرلیگی آیریجا، گ-۸ اوچون گؤرولن حاضیرلیق اجلاس‌لارینا قاتیلیمی دایان‌دیراجام؛ روسیانین رفتارینی داوام ائتدیرمه‌سی وضعیتینده سیاسی و اقتصادی تجرید ایله قارشیلاشا ایفاده ائتدی.

آغ ائو، آمریکان رهبرلیگی‌نین اوکراین ایله بیرلیکده ایشه داوام ائده‌جگینی؛ تکنیکی و مالی یاردیم‌لارین یانیندا ثابت‌لیک اوچون اولوسلار آراسی پول صاندیغی‌نین اؤلکه‌یه دستک وئریله‌جگینی آچیقلادی.

باشقان اوباما آیریجا، فرانسا پرزیدنتی اولاند ایله ده تلفون گؤروشمه‌سی ائتدی.

آغ ائوین آچیقلاماسیندا لیدرلرین اوکراین‌ین مستقیل‌لیگی و اراضی بوتؤو‌لوگونه حؤرمت گؤستریلمه‌سی موضوعسوندا فیکیر بیرلیگینه چاتدیغی و روسیانین مداخیله‌سین‌دن درین ناراحات‌لیق دویولدوغو ایفاده ائدیلدی.

اوکراین ایقتیصادی‌نین ثابت‌لیگی اوچون ائدیله‌جک دستک و کؤمک اوچون لیدرلرین بیرلیکده چالیشاجاغی ایفاده ائدیلدی.

یوروم یازین

Back to Top