دیل سئچین

آمریکادا آزادلیق بیاننامه‌سی‌نین یاییملانماسی‌نین اوزریندن ۱۵۰ ایل کئچدی

اویان نیوز: آنجاق هله بو گون ده میلیون‌لارلا اینسان کؤله رفتاری گؤرور، میلیون‌لارلا اینسان دا کؤله‌لیگی بنزر شرط‌لرده ایشلدیلیر

آمریکادا کؤله‌لرین آزادلیغینا قوووشماسینی تامین ائدن آزادلیق بیاننامه‌سی‌نین یاییملانماسی‌نین اوزریندن ۱۵۰ ایل کئچدی.

گرک آمریکا‌نین هم ده بوتون دونیا کؤله‌لیگین آرا‌دان قالدیریلماسی موضوعسوندا بؤیوک ایره‌لیلمه‌لر قید ائتدی.

آنجاق هله بو گون ده میلیون‌لارلا اینسان کؤله رفتاری گؤرور، میلیون‌لارلا اینسان دا کؤله‌لیگی بنزر شرط‌لرده ایشلدیلیر.

کؤله‌لیک اینسانلیق تاریخی‌نین ان بؤیوک اوز قارالاریندان‌.

۱۸۶۰-جی ایلده آمریکادا یاشایان ۳۱ میلیون اها‌لی‌نین ایچینده ایشتیراک ائدن ۴ میلیون آفریقا گؤکنلی آمریکا‌لی اؤلکه‌نین جنوب ایالت‌لرینده کؤله اولا‌راق چالیشدیریلیردی.

بوندان تام ۱۵۰ ایل اول ۱۸۶۳-جی ایلده آمریکا جمهوز باشقانی آبراهام لینکولن، آزادلیق بیلدیرگه‌سینی یاییملادی. بیلدیریش اؤلکه‌ده‌کی بوتون قول‌لاری آزادلیغینا قاووشدورمادی بلکه آنجاق اونلار اوچون آزادلیغا گئدن یولو آچدی.

آزادلیق بیلدیرگه‌سی اؤلکه‌ده‌کی آفریقا گؤکنلی آمریکا‌لی‌لار اوچون اساس اومید و ایلهام قایناغی اولدو.

آمریکا آرشیو‌لرینده اولان، بیاننامه‌ده یاییملانماسی‌نین آردیندان ۱۸۶۰ و ۱۸۸۰ ایللری آراسیندا آزادلیق‌لارینا یئنی قوووشان آفریقا گؤکنلی آمریکا‌لی‌لارین چکدیردیگی میندن چوخ فوتوشکیل گون اوزونه چیخاریلا‌راق سرگیلنمه‌یه باشلاندی.

شکیل‌لر سانکی آزادلیغینی الده ائدن اینسان‌لارین یاشادیغی غورورو گؤزلر اؤنونه سریر.

آفریکا گؤکنلی آمریکا‌لی‌لار آزادلیق‌لارینا قوووشدوقدان سونرا دئمک اولار کی، بیر عصردن چوخ ایرقچی‌لیک و آیریمجیلیقلا مباریزه ائتمک مجبوریتینده قالدی.

بئله کی ۱۹۷۰-جی ایللرین باشینا قدر اؤلکه‌نین قانونلاریندا آفروآمریکان‌لاری ایکینجی صینیف وطنداش قبول ائدن قانون‌لار وارلیغینی داوام ائتدیردی.

کؤله‌لیک حاضیردا بوتون اؤلکه‌لرده غیری-قانونی قبول ائدیلیر.

آنجاق ائدیلن آراشدیرما‌لار ۱۲ میلیون ایله ۲۷ میلیون اینسانین کؤله اولا‌راق چالیشدیریلدیغینی اورتایا قویور.

هیندیستاندا ایسه ‘توخونولمازلار اولا‌راق آدلاندیریلان ۴۰ میلیوندان چوخ اینسان، قصد سیستمی اوزوندن هر هانسی بیر اؤدنیش آلما‌دان آغیر ایشلرده چالیشیر.

۲۲۵ مین هایتی‌لی اوشاق دا یوخسوللوق سببیله ائو ایشلرینده کؤله‌لیگی بنزر شرط‌لرده ایشلدیلیر.

یئنه ۵۰۰ مین ائله ۶۰۰ مین قادین و اوشاغین زورلا جینسی قول اولا‌راق چالیشدیریلدیغی تخمین ائدیلیر.

دونیانین بیر چوخ اؤلکه‌سینده یوز میلیون‌لارلا اینسان دا چوخ آشاغی اؤدنیش سانکی کؤله‌لیگی بنزر شرط‌لرده حیات مباریزه‌سی وئریر.

ت.ر.ت. تورکی

یوروم یازین

Back to Top