اویان نیوز: تورک آمریکان تیجارت و صنایع اوتاغی (TACCI) و تورک آمریکان درنک‌لری فدراسیونو(TADF) طرفیندن ایلک دفعه تشکیل ائدیلن اورتاق فعالیت نیویورکداکی تورک ائوی`نده رئاللاشدیریلدی
آمریکادا اوخویان تورک شاگیردلر، ‘کاریئر گونونده گؤروشدو.
تورک آمریکان تیجارت و صنایع اوتاغی (TACCI) و تورک آمریکان درنک‌لری فدراسیونو(TADF) طرفیندن ایلک دفعه تشکیل ائدیلن اورتاق فعالیت نیویورکداکی تورک ائوی`نده رئاللاشدیریلدی.
آمریکا‌داکی تورک شاگیردلرین مکتب سونراسی ایش مراجعت‌لری اثناسیندا یاشادیغی پروبلم‌لری حل ائتمه مقصدلی معلومات‌لارین وئریلدیگی پروقراما چوخ سایدا طلبه، عالیم، شیرکت و تشکیلات مسئولو قاتیلدی.
فعالیتین اورقانیزاتورلاریندان اینسان قایناق‌لاری عذره متخصص توغبا تئمورجان پال، ائتدیک‌لری آراشدیرمادا، اونیورسیته‌لردن دیپلوما الان شاگیردلرین ایش مراجعتی مرحله‌سینده جدی چتین‌لیک‌لر یاشادیقلارینی تثبیت ائتدیک‌لرینی، فعالیتین مقصدی‌نین ده شاگیردلره بو مدت حاقیندا معلومات وئرمک اولدوغونو سؤیله‌دی.
ییغینجاغا آمریکانین شرق یاخاسیندا تحصیل گؤرن اونیورسیته شاگیردلری ماراق گؤستردی.
آکتیویته داخیلینده شاگیردلره اؤزگئچمیش یازماق، موصاحیبه تکنیک‌لری، ویزا پروبلم‌لری و نؤو‌لری حاقیندا متخصص‌لر طرفیندن معلومات کؤچورولدو.
TADF باشقانی علی چینار دا بو پروفسیونئل تحصیلین تامامیله کؤنول‌لولر طرفیندن وئریلدیگینی و مقصدلری‌نین ایشسیزلیگین یوکسک اولدوغو آمریکادا تورک شاگیردلرین ایش تاپما شانس‌لارینی آرتیرماق اولدوغونون وورغولادی.
ت رت
