دیل سئچین

آمریکانین یئنی ساوونما باخانی چاک هیگل

اویان نیوز: سناتو‌داکی سس وئرمه‌ده ۵۸ بلی سس آلان هیگل، پنتاقونون باشینا کئچن ۲۴-جو شخصیت اولدو

آمریکانین یئنی ساوونما باخانی چاک هیگل …

سناتو‌داکی سس وئرمه‌ده ۵۸ بلی سس آلان هیگل، پنتاقونون باشینا کئچن ۲۴-جو شخصیت اولدو.

جمهور باشقانی اوبامانین ژانویه آییندا نامیزد گؤستردیگی چاک هیگل سناتو‌داکی تصدیقدن سونرا پنتاقونون باشینا کئچن شخصیت اولدو.

باخانلیق مدتینده قاداغا یاشایان هیگل اوچون تصدیق مدتی اولدوقجا چتین کئچدی.

ایلک ایش اولا‌راق چرشنبه آخشامی گونو سحر ساعات‌لاریندا ائدیلن ایمپووندمئنت سسوئرمه‌ده، هاگئل ۶۰ باراژینی کئچیب ۷۱ سس توپلادی.

آردیندان سناتو عمومی قورولوندا هیگلین مدافعه باخانلیغی ۴۱ه قارشیلیق ۵۸ بلی سسی ایله تصدیقلندی.

بوتون دموکرات‌لارین سسی آلان هیگله ۴ جمهوریتیچی شخصیت ده دستک وئردی.

یئنی ساوونما باخانینی ایلک قید ائدن جمهور باشقانی اوباما اولدو.

اوباما، یازیلی مئساژیندا “هیگلین افقانیستان‌داکی دؤیوشو قورتاریب عسگرلری اؤلکه‌سینه گئری گتیره‌جگینه اینانیرام” دئدی.

نامیزدلیگینه باشیندان بری قارشی چیخان جمهوریتچی‌لر ایسه، چاک هیگلین ساوونما باخانلیغینا گوجسوز باشلایاجاغینی ادعا ائتدی.

۶۶ یاشین‌داکی ساوونما باخانی، ویتنام ساواشی غازیسی.

جمهوریتچی قوروبدان گلن هیگل، ۱۲ ایل سناتورلوق ائتدی.

چاک هیگل کئچمیش ایفاده‌لری سببیله محافیظه‌کار سیاستچی‌لرین تصدیقینی بیر جور آلا بیلمه‌دی.

ایسراییله اولان مخالیف باخیشی و ایران موضوعسون‌داکی یومشاق توتومو، جمهوریتچی‌لرین قارشی چیخما سبب‌لری‌نین باشیندا گلیردی.

هیگل وظیفه‌سی اسکی ساوونما باخانی لئون پانئتتا‌دان دئورآلاجاق.

یاخینلاشان بودجه کسینتیلری چیچگی بورنوندا باخانین وئره‌‌جگی ایلک جدی ایمتحان.

چونکی، ۱ مارسدا دؤوره‌یه گیره‌جک اوتوماتیک کسینتی‌لر ان چوخ ساوونما باخانلیغی‌نین بودجه‌سینی تأثیر ائده‌جک.

 ت رت

یوروم یازین

Back to Top