دیل سئچین

آمریکا ائلچیسی آنکارا امنیت مودورلوگونه گئتدی

اویان نیوز: آمریکا بیرلشمیش دؤولت‌لری‌نین آنکارا ائلچیسی فرانسیس ریچیاردونه، آنکارا امنیت مودورو قدیر آیلا گؤروشه‌رک باشاری‌لی ایشلرین‌دن اؤترو تشکر ائتدی

گؤروشمه‌نین، ائلچیلیک گیریشینده، دح‌ک‌پ-ج ترور هؤرگوتونون گرچکلشدیردیگی جان‌لی بومبا ائیلمی‌نین چوخ قیسا مدتده آیدینلانماسی مؤوضوسوندا آنکارا امنیت مودورلوگو‌نون گؤستردیگی اوستون پئرفورمانس‌دان اؤترو تشکر ائتمک مقصدیله گرچکلشدیگی بیلدیریلدی.

ریچیاردونه گؤروشمه‌ده، اولایین آیدینلاتیلماسینا تورک پلیسینین پاتلاما‌دان درحال سونرا حادثه یئرینه گلمه‌سی، سوچلا ایلگیلی دلیل‌لرین دقتله توپلانماسی و ایز سورمه ایشلری‌نین سرعت‌لی بیر شکیلده کووردینه‌سی نتیجه‌سینده چوخ قیسا مدتده بومباجی تروریستین کیملیگینه، ایستیفاده ائدیلن بومبانین تکنیک اؤزللیکلرینه چاتدیغینی، بونون دونیا استاندارت‌لاریندا اولدوقجا باشاری‌لی بیر ایش اولدوغونو ایفاده ائتدی. ریچیاردونه، ایکی اؤلکه‌نین بو مدتده گرچکلشدیردیگی قارشی‌لیق‌لی بیلگی آلیش وئریشی و اورتاق چالیشمالارین‌دان دویدوغو ممنونیتی دیله گتیردی.

ت ر ت

یوروم یازین

Back to Top