دیل سئچین

آمریکا بیرلشیک دولتلرینده بوتون اف-۳۵ ساواش اوچاقلاری‌نین هاوالانماسی قاداغان ائدیلدی

اویان نیوز: ساوونما باخانلیقدان ائدیلن آچیقلامادا هر زامانکی کونتروللارین ائدیلدیگی سیرادا بیر اوچاغین موتوروندا پروبلم تثبیت ائدیلدی

آمریکا بیرلشیک دولتلرینده بوتون اف-۳۵ ساواش اوچاقلاری‌نین هاوالانماسی قاداغان ائدیلدی.

ساوونما باخانلیقدان ائدیلن آچیقلامادا هر زامانکی کونتروللارین ائدیلدیگی سیرادا بیر اوچاغین موتوروندا پروبلم تثبیت ائدیلدی.

آچیقلامادا موتورداکی چاتلاغین سببی‌نین آراشدیریلدیغی، بو مدتده تدبیر مقصدیله اف-۳۵لرین هاوالانماسی‌نین تاخیره آلیندیغی ایفاده ائدیلدی.

هله گلیشدیرمه مرحله‌سینده اولان اوچاقلاردان ۵۱ عد‌دی آمریکا اوردوسوندا ایستیفاده ائدیلیردی.

نورمال ساواش اوچاقلاری‌نین ایکی قاتی سرعته چاتا بیلن اف-۳۵لر ساعاتدا ۱۹۳۰ کیلومتر سرعت ائدیر.

۵-جی نسیل خصوصیت‌لری ایله رادارا توتولمایان اوچاقلارین، گیزلی اوچوش خوصوصیتیله عملیات‌لاردا تأثیرلی نتیجه‌لر آلا بیلیر.

عمومی ۳ نوع چیخاریلان اف-۳۵ ساواش اوچاغی آمریکا اوردوسونون ان باها‌لی پروژه‌لریندن بیری ایدی.

پنتاقون، اف-۱۶ کیمی اسکی‌لن ساواش اوچاقلارینی یئنی نسیل اف-۳۵لر ایله یئر دگیشدیرمه‌یی پلان‌لاشدیریردی.

جمعن ۲ مین ۴۰۰ عدد آلماغی پلانلاشدیران آمریکا ساونما باخانلیغی، پروژه اوچون ۴۰۰ میلیارد دولار آییرمیشدی.

۱۹۹۰-جی ایلده حاضیرلانان اف-۳۵ ساواش اوچاغی، آمریکا و اینگیلتره‌نین باشی چکدیگی کونسورسیوم طرفیندن گلیشدیریلیر.

پزوژه‌ده تورکیه ایله بیرلیکده جمعی ۹ اؤلکه یئر آلیر.

تورکیه ۲ عدد سیفاریش وئره‌رک پروژه‌یه داخیل اولموش؛ و اوچاقلارین ۲۰۱۵-جی ایلده تسلیم آلینماسینی قرارلاشدیرمیشدی.

اسکی ساونما باخانی وجدی گؤنول، تورکیه‌نین اف-۳۵لردن ۱۱۶ عدد آلماغی پلانلادیغینی سؤیله‌میشدی.

بو اوچاقلارین، ایستیفاده ائدیلن اف-۴ و اف-۱۶ ساواش اوچاقلاری‌نین یئرینی آلماسی پلانلاشدیریلیر.

 

ت رت

یوروم یازین

Back to Top