اویان نیوز: آمریکا خاریجی ایشلر باخانلیغی نولاندین صرف ائتدیگی سؤزلر اوچون عذر ایسته‌دیگینی قید ائتدی.
آمریکا خاریجی ایشلر باخانی یاردیمچیسی ویکتوریا نولاند ایله آمریکانین کیئو ائلچیسی جفری پیاتا عاید اولدوغو ادعا ائدیلن و نولاندین آوروپا بیرلیگی حاقیندا سؤیوشلو تلفن دانیشما‌سی یووتوبا سیزمیشدی.
آمریکا خاریجی ایشلر باخانلیغی سؤزچوسو جین پساکی ” دانیشغین ساختا اولدوغونو سؤیله‌میرم” دئیرکن، آغ ائو سؤزچوسو جی کارنی ایسه نولاندی ساووندو. آوروپا بیرلیگی ایله آمریکا آراسین‌داکی ایلیشکی‌لرین هئچ ایندیکی قدر ساغلام اولمادیغینی قید ائدن کارنی، روس آلت یازی‌لی ویدئونون روس حکومتی طرفین‌دن تویترده دولاشیما قویولدوغونو وورغولادی.
نولاند، اوکراینانین باشکندی کیئوده تشکیل ائتدیگی مطبوعات کنفرانسیندا، آمریکانین کیئو ائلچیسی پیات ایله آوروپا بیرلیگینه قارشی سؤیوشلو سس قیدینه باغلی سوال اوزرینه، دانیشمانین “اؤزل بیر دیپلوماتیک گؤروشمه” اولدوغو سببیله یوروملاماق ایستمه‌دیگینی سؤیله‌دی.
قایناق: http://www.trtturki.com/trtworld/azt/newsDetail.aspx?HaberKodu=62f9d155-e56f-419c-947e-58f3cf16fdc8
