دیل سئچین

آمریکا و جنوبی کوره دونیانین ان بؤیوک نیظامی مانورلاریندان‌ بیرینه حاضیرلاشیر

اویان نیوز: آمریکانین دوشمن توتومونا قارشی “اؤزونو مدافعه ائتمک” مقصدی ایله ۱۲ فوریه‌ده نوکلئر سیناق ائتدیگینی آچیقلایان شیما‌لی کوره، واشینگتونو بو دفعه جنوبی کوره ایله ائده‌ جگی اورتاق مانور موضوعسوندا هشدار وئردی

آمریکا و جنوبی کوره دونیانین ان بؤیوک نیظامی مانورلاریندان‌ بیرینه حاضیرلاشیر.

آمریکانین دوشمن توتومونا قارشی “اؤزونو مدافعه ائتمک” مقصدی ایله ۱۲ فوریه‌ده نوکلئر سیناق ائتدیگینی آچیقلایان شیما‌لی کوره، واشینگتونو بو دفعه جنوبی کوره ایله ائده‌ جگی اورتاق مانور موضوعسوندا هشدار وئردی.

شیما‌لی کوره، جنوبی کوره و آمریکایا مراجعت ائده‌رک، اؤنوموزدکی مارس آییندا تشکیل اورتاق عسگری مانورو لغو ائتمه‌لرینی ایسته‌دی.

اورتاق مانورین آمریکانین اونا قارشی اولونان دوشمنلیگین آچیق بیر نومونه‌سی اولدوغونو ادعا ائدن شیما‌لی کوره، ۱۲ فوریه‌ده رئاللاشدیردیغی نوکلئر سیناقدان قات قات بؤیوک بیر نوکلئر تئستله تهدید ائتدی.

روسیا و چین ائتدیک‌لری آچیقلامادا، نوکلئر سیناقدان گؤره شیما‌لی کوره‌یه نیظامی بیر مداخیله‌یه قارشی اولدوقلارینی آچیقلامیشدی.

آمریکا، ۲۰۰۶-جی ایلدن بو یانا اوچونجو دفعه نوکلئر سیناق ائدن شیما‌لی کوره‌یه داها آغیر تحریملر تطبیق اولونماسی اوچون بیر لشمیش میللتلر گوونلیک شوراسینا مراجعت ائتمیشدی.

آمریکا و جنوبی کوره‌نین اورتاق مانورو “Key Resolve” آ ۱۰ مین جنوبی کوره‌لی و ۳.۵۰۰ آمریکا عسگری قاتیلا‌جاق. دونیانین ان بؤیوک نیظامی مانورلاریندان‌ بیری اولان “Foal Eagle” آ ایسه، ۲۰۰ مین جنوبی کوره و ۱۰ مین آمریکا عسگری ایشتیراک ائده‌جک. ۱ مارسدا باشلایا‌راق ایکی آی داوام ائده‌جک مانور قارا، دنیز و هاوادا ائدیله‌جک.

آمریکانین جنوبی کوره‌ده ۱۹۵۰-۱۹۵۳ کوره ساواشیندان بو یانا ۲۸ میندن چوخ عسگری وار.

ت رت

یوروم یازین

Back to Top