دیل سئچین

آنکارا: آذربایجان فعاللارینا آغیر جزا وئریلمه سینه اعتیراض آکسییاسی

941443_10151471037728992_75098443_n

اویان نیوزا اؤزل: بیر چوخ آذربایجان فعاللاری آنکارا دا ایران بؤیوک ائلچی سینین قارشیسینا توپلاناراق آذربایجان سیاسی محبوسلارینا دستک وئرمک اوچون اعتیراض آکسییاسی کئچردیلر.

اویان نیوزون راپورا گؤره، شنبه ۲۱ اوردیبهشت ۱۳۹۲ ساعات ۱۱:۴۵ تورکیه ده کی بیر چوخ آذربایجانلی مدنی فعال آذربایجانلی سیاسی محبوسلارینا دستک وئرمک اوچون اعتیراض آکسییاسی کئچردیلر. بو توپلانمادا قاتیلیمجی لار آنکارا قوی لو پارکدان ایران بؤیوک ائلچی لیقینه طرف گئده رک آذربایجان سیاسی محبوسلارین سربست بوراخیلما شوعارینی وئردیلر.

بو توپلانمادا تورکیه ده یاشایان آذربایجانلی مدنی فعاللاری بیر بیادیری اوخویاراق آذربایجان مللی _ مدنی فعاللاری آیت مهرعلی بیگلو (یوروش)، شهرام رادمهر، لطیف حسنی، بهبود قلیزاده، محمود فضلی و عباس ولیزاده(اوختای) یه وئریلن اغیر جزا اوچون اؤز اعتیراضلارینی بیلدیره رک اولوسلار آراسی توپلوم لارا و اینسان حاقلاری قورولوشلارینا بو مسئله اوچون دیققت گؤسترمله رینی ایسته دیلر. بو بیلدیری ده سعید متین پور و او بیری آذربایجانلی زیندانلی لارینین دا سربست بوراخیلماسی ایسته نیلدی.

بو اعتیراض توپلانماسی ساعات ۱۲:۳۰ دا سونا چاتدی.

دئیلمه لیدیر کی تورکیه ده یاشایان بیر چوخ آذربایجانلی فعاللار بو اعتیراض آکسییاسینی اورگانیزه ائتمیشدیلر.

“اویان نیوز”و قایناق گؤستره رک بو خبر پایلاشیمیندا بیر معذرت یوخدور

یوروم یازین

Back to Top