اویان نیوز: لاتین آمریکا‌دان بالکان‌لارا ۵۸ اؤلکه‌دن ۳و جمهورباشقانی، ۳۹و باخان سویه‌سینده یوزلرله قاتیلیمجی
آوراسیا جوغرافیاسی قلوبال بحرانی فورصته چئویرمک آختاریشیندا.
سیاستچی‌لر، فیکیر رهبرلری، عالیم و سیویل تشکیلات‌لاری رهبرلری.
لاتین آمریکا‌دان بالکان‌لارا ۵۸ اؤلکه‌دن ۳و جمهورباشقانی، ۳۹و باخان سویه‌سینده یوزلرله قاتیلیمجی.
آوراسیایا ایستیقامت وئرن آدلار دونن ایستانبول‌داکی ۱۶. آوراسیا ایقتیصاد ذیروه‌سینده گؤروشدو.
تورکیه بؤیوک میللت مجلیسی‌نین باشقانی جمیل چیچک، ایجلاسین آچیلیشیندا امکداش‌لیق چاغیریشی ائده‌رک بونلاری سؤیله‌دی:
“کئچمیش‌دکی چاتیشما‌لاردان و بؤلونمه‌نین لازیم‌لی درس‌لری چیخارمامیز و امکداش‌لیغی و دایانیشمامیزی اینکیشاف ائتدیرمگیمیز ضروری‌دیر. قلوبال ایقتیصاددا زامان زامان یاشانان مالی بحران‌لار بؤلگه‌میزده میدانا گلن سیاسی چالخانتی‌لار بیزی قورخوتماما‌لی، بحران‌لاردان ده باریش، ثابت‌لیک و گلیشمه ایستیقامتینده یئنی ایمکان‌لار اورتایا قویمالیییق. نتیجه‌ده بوتون بو بؤلگه اورتاق جوغرافیامیزدیر. گوونلیگین، ریفاهین و امین-آمانلیغین قورونماسی دا اورتاق مسئولیتیمیزدیر. “
ماکئدوندایا گئورگی ایوانوو ده،
“اقتصادی بحران بوتون دونیا اوچون جدی بیر پروبلئم. اما منجه امکداش‌لیق ایچینده اولساق، بو بحرانی نییه فورصته چئویرمییک؟” دئدی.
آلبانیا جمهور باشقانی بوژار نیشانی ده،
“اؤلکه‌نیز پروبلم‌سیز بئله اولسا، اطرافینیزدا یاشانان اقتصادی بحران و ترور کیمی چتین‌لیک‌لر، گئج-تئز سیزی ده اضافه ائدیر.اونا گؤره بو جور پروبلم‌لره قارشی امکداش‌لیق قاچینیلماز.” دئیه دانیشدی.
کوسووو جمهور باشقانی عاطیفه جاهجاگا ایسه،
“بیز هله چوخ گنج بیر اؤلکه‌ییک و تورکیه کیمی بیر نومونه‌دن هم اقتصادی گلیشمه، هم ده دموکراسی ساحه‌سینده نومونه آلا بیله‌جگیمیز چوخ شئی وار.” دئدی.
ت رت
