اویان نیوز: سون بیر ایلده ایشسیز قالان آوروپا‌لی سایسی، ۲ میلیوندان چوخ
آوروپادا ایشسیزلیک پروبلمی آرتیر. سون بیر ایلده ایشسیز قالان آوروپا‌لی سایسی، ۲ میلیوندان چوخ …
یوروستات معلومات‌لارینا گؤره، یورو بؤلگه‌سی‌نین ۱۷ عضوونده ایشسیزلیک، یوزده ۱۱ وئرگول ۸له یئنی رکورد قیردی. ان یوکسک ایشسیزلیک ده یئنه ایسپانیادا …
اقتصادی بحرانا حل تاپما چابا‌لاریندا ۳ ایلی گئریده بوراخان آوروپا بیرلیگینده ایشسیزلیک پروبلمی آشیلا بیلمیر.
آوروپا بیرلیگی ایستاتیستیک تشکیلاتی یوروستاتین معلومات‌لارینا گؤره، ۲۰۱۲ نوامبر آییندا ایشسیزلیک رقملری یئنی رکورد قیردی، یوزده ۱۱ وئرگول ۸ اولدو. بیر اوّلکی رکورد دا، یوزده ۱۱ وئرگول ۷ ایله اوکتوبر ۲۰۱۲ده یاشانمیشدی.
۱۲ آیدا تخمینن ایکی میلیون اینسانین ایشسیز قالدیغی یورو بؤلگه‌سینده، ایشسیز اوردوسو، ۱۹ میلیون … بیرلیک داخیلینده ده ۲۶ میلیون … سون معلوماتلار، آوروپا بیرلیگی‌نین ۲۷ عضووندن، آورو بؤلگه‌سینده یئر آلان ۱۷ی ایله دیگر ۱۰و آراسینداکی ایشسیزلیک اوچورومونون گئده‌رک آچیلدیغی ایفاده ائدیلیر.
آورو بؤلگه‌سینده، ایشسیزلیگین ان درین اولدوغو اؤلکه، یوزده ۲۶ وئرگول ۶ ایله ایسپانیا … اونو یوزده ۲۰ ایله یونانیستان تعقیب ائدیر. داها سونرا گلن ایکی اؤلکه ده، پورتغال و ایرلند.
بو اؤلکه‌لر گنج ایشسیزلیک رقملرینده ده اوست سیرا‌لاردا. بئله کی، ایسپانیا ایله یونانیستاندا گنج ایشسیزلیک یوزده ۵۷ اطرافیندا .. آوروپا بیرلیگی داخیلینده ایسه، یوزده ۲۴ کیمی سئیر ائدیر.
ایشسیزلیگین ان آشاغی اولدوغو اؤلکه‌لر اوتریش، آلمان و هولند … بالتیک اؤلکه‌لری، استونی، لتونی، لیتوانی دا، سون بیر ایلده ایشسیزلیگین ان چوخ آزالدیغی اوچ عضو …
هر نه قدر ایسپانیا، دسامبر ۲۰۱۲ ایشسیزلیک معلومات‌لاری‌نین داها یاخشی گله‌جگینی اومیدینی آچیقلاسا، آوروپا کومیسیونو باشقانی خوزه مانوئل بارروسو دا، ان پیسین گئریده قالدیغی آچیقلاماسینی ائتسه ده، بو رقملر، بیرلیک ایچینده اجتماعی پارتلاما ناراحاتلیغینی قیزیشدیریر.
چونکی، آمریکا ۷ وئرگول ۸، ژاپون‌داکی یوزده ۴ وئرگول ۱،له موقاییسه‌ده، ۳۳۰ میلیون اها‌لیسی اولان آوروپا بیرلیگین‌دکی یوکسک ایشسیزلیک رقملری، حکومت‌لرین، بورجلارین دوزنلنمه‌سینده کریتیک ساییلا بیله‌جک، وئرگی توپلاما عملیاتینی چتینلشدیریر.
تهلوکه‌نین، ان جدی اولا‌راق ایسپانیا، یونانیستان، پورتغال و روم یؤنتیمینده گؤرولدویو ایفاده ائدیلیر. ایرلندده ایشسیزلیگین دوشور اولماسی ایسه، مثبت بیر استثناء اولا‌راق حسابلانیر.
ت.ر.ت. تورکی
