دیل سئچین

احمدی‌نژاد ‌دان شوک آددیم - دین دؤولتدن آیریلا بیلر

اویان نیوز: ایران پرزیدنتی محمود احمدی‌نژاد اؤلکه‌نین ایداره اتمه فورماسینی دییشمک ایستییر.

«قافقازینفو»نون معلوماتینا گؤره، احمدی‌نژاد دین و دؤولت ایشلرینی بیر-بیرین‌دن آییرماق نیتین‌ده‌دیر. «The Times» نشری ایران پرزیدنتینین ساغ قولو اولان اسفندیار رحیم مشایی نین نامیزدلیینین قبول ائدیلمیجیی تقدیرده احمدی‌نژادین خامنه ای نین نظارتینده اولان ایسلام اینقیلاب شوراسینین سئچیملرینه مانع اولاجاغینی یازیب.

احمدی‌نژادلا مشایی خامنه ای قارشی باشلاتدیقلاری موباریزه‌ده دینی لیدرلرین سیاستده‌کی تأثیر گوجلرینی آزالتماق، بونون اوچون ده کونستیتوسییادا دییشیک‌لیکلر ائتمیی پلانلاشدیریرلار. توپلانتیدا مشایی دین و دؤولتین آیریلماسینی دستکله‌ییب.

قئید ائدک کی، خامنه ای ایله احمدی‌نژاد آراسین‌داکی چکیشمه بیر مدتدیر کی، داوام ائدیر. بئله کی، مجلیس‌ده اؤلکه پرزیدنتی الینده پارلامئنت صدری لاریجانی نین قارداشینین روشوت آلدیغینی گؤستره‌ن فاکتلارین اولدوغونو بیلدیرمیش، لاریجانی ایسه احمدی‌نژادین مافییا عضولری کیمی داورانماق‌دا اتهام ائد‌رک اونو مجلیس‌دن قووموش‌دو. مجلیس صدری لاریجانی نین ایسه اؤلکه‌نین آلی دینی لیدری ایله یاخینلیغینینی اولماسی احمدی‌نژادین خامنه ای یه قارشی نؤوبتی ضربه‌سی کیمی قیمتلندیریلیر.

 قفقاز اینفو

یوروم یازین

Back to Top