دیل سئچین

اردوغانین قابون، نیجر و سنگالی ایچرن تاریخی آفریقا سفری باشلادی

اویان نیوز: ۶ گون داوام ائده‌جک سفرده باشباخان اردوغانا، بیر چوخ باخان و بوروکرات یانیندا ۳۰۰و آشان ایش آدامی دا یولداشلیق ائدیر

باشباخان رجب طیب اردوغانین قابون، نیجر و سنگالی ایچرن تاریخی آفریقا سفری باشلادی.

۶ گون داوام ائده‌جک سفرده باشباخان اردوغانا، بیر چوخ باخان و بوروکرات یانیندا ۳۰۰و آشان ایش آدامی دا یولداشلیق ائدیر.

باشباخان رجب طیب اردوغان، ایلین ایلک قاپساملی زیارتینی قارا قیطه آفریقایا ائدیر.

سفرین ایلک یئری گابون …

باشباخان اردوغان و حیات یولداشی امینه اردوغانی، گابون باشباخانی رایموند ائنگونگ سیما قارشیلادی.

باشباخان اردوغان گابونا ائنر ائنمز، آیاغی‌نین توزویلا تورکیه-گابون ایش فوروموندا ایشتیراک ائدیب.

بورادا ایش آداملارینا سس‌لنن باشباخان، ایکی اؤلکه آراسینداکی تیجارت حجمی‌نین گلیشدیریله‌‌جگی موژده‌سینی وئردی.

باشباخان موضوعیلا علاقه‌دار اولا‌راق؛ “۲۰۱۵-جی ایل اوچون آفریقا ایله تیجارت حجمی هدفیمیز بیلیرسینیز ۵۰ میلیارد دولاردیر. و بو هدفی توتماقدا قرارلیییق. اما بو طبیعی دایانا‌راق اولماز؛ چالیشا‌راق اولار. چالیشاجاغیق، قووالایاجاغیز، قاچدیراجاغی و بو قاچماق نتیجه‌سینده ده من نتیجه‌نی آلاجاغیمیزا اینانیرام. “شکلینده دانیشدی.

چیخیشیندا تورکیه‌نین آفریقا هدفینی ده ایضاح ائدن باشباخان، گابون اوچون ده آیریجا یاتیریم ایسته‌دی.

باشباخان اردوغان: “بوندان سووای، آفریقا‌داکی اقتصادی فعالیت‌لری دستکلمک عذره، اکسیمبانک کرئدیت‌لری‌نین ایستیفاده ائدیلمه‌سی ده اقتصادی و تیجارت علاقه‌لریمیزین گلیشمه‌سینده کؤمکچی اولا‌جاق. یوکسک سویه‌لی زیارتلر، یئنی سفیرلیک‌لر، ایش آداملاری و ایشاداملاریمیزین میدانا گتیردیک‌لری اؤز هیات‌لری، سرگی‌لر، تکنیکی یاردیملار، بورس‌لارلا علاقه‌لریمیزین بیر قارتوپو کیمی خصوصیله شاگیرد موناسیبت‌لرینده بؤیوموش اولماسی آرامیزداکی قایناشما داها ایره‌لی نقطه‌لره داشییا‌جاق. بو فعالیت‌لرین هر ایکی طرف اوچون ده فایدا‌لی اولماسی ان بؤیوک دیلگیمیزدیر. ” دئدی.

باشباخان اردوغان، سفری چرچیوه‌سینده گابون پرزیدئنتی علی بونگو اوندیمبا و گابون باشباخانی رایموند ائنگونگ سیما ایله بیر آرایا گله‌جک.

باشباخان اردوغانین گابون پارلامنتینه ده خیطاب ائتمه‌سی گؤزلنیلیر.

ت.ر.ت. تورکی

یوروم یازین

Back to Top