دیل سئچین

ارمنیستاندا سئچیم سونراسی گرگینلیک

اویان نیوز: رافی هووهانیسیان، سرژ سارکیسیانا بو گون ساعات ۱۷‌یه قدر اقتداری گئرچک صاحبینه تسلیم ائتمه‌سی اوچون سوره وئردیگینی آچیقلادی

ارمنیستاندا سئچیم‌لری یوزده ۳۶.۷ لیک اویلا ایکینجی سیرادا تاماملایان اسکی خاریجی ایشلر باخانی و میراث پارتیسی باشقانی رافی هووهانیسیان، سرژ سارکیسیانا بو گون ساعات ۱۷‌یه قدر اقتداری گئرچک صاحبینه تسلیم ائتمه‌سی اوچون سوره وئردیگینی آچیقلادی.

ایروانداکی آزادلیق میدانیندا مطبوعات منصوب‌لارینا دانیشان هووهانیسیان، “سئچیم‌لرده خطالی اولان بوتون رسمی گؤره‌ولی‌لی‌لر، اگر ساعت ۱۷‌یه قدر سهو‌لرینی قبول ائتسه‌لر، خالق طرفین‌دن باغیشلاناجاقلار. بونو قبول ائتمه‌ینلرسه، حقوق ایچینده محاکیمه اولونا‌جاق‌لار” دئدی. هووهانیسیان مطبوعات آچیقلاماسی سیراسیندا اؤزونو دینله‌ین تخمینا ۳ مین جیوارین‌داکی دستکچیسینه، “یارین یانینیزا گلیب سارکیسیانین ظفریمی تبریک ائتدیگینی سیزلره سؤیله‌مک ایسته‌ییرم” ایفاده‌لرینی قوللانیرکن، سارکیسیانین خالقین قلبه‌سینی قبول ائده‌جک جسارته صاحب اولدوغونو قید ائتدی.

سئچیم نتیجه‌لرینه دایر پارتی مرکزینده ایش یولداشلارییلا بیر آرایا گلن پرزیدنت سرژ سارکیسیان ایسه، ارمنیستان خالقی‌نین داها گوونلی اولان یولو سئچدیگینی قید ائتدی. سارکیسیان، چالیشمالارین‌دان اؤترو اکیبینه تشکر ائدرکن، سئچیم‌لرده هر شئیین بیتمه‌دیگینی، داها چتین بیر ایشین اؤزونو و اکیبینی گؤزلدیگینی ایفاده ائتدی و “بیز بونا حاضیریق” دئدی.

اؤته یاندان ارمنیستاندا سئچیم نتیجه‌لرینه دایر دارتیشمالار داوام ائدرکن، روسیا دؤولت باشقانی ولادیمیر پوتینین سارکیسیانی آرا‌یاراق تبریک ائتدیگی ایفاده ائدیلدی. پوتینین سارکیسیانا، روس-ارمنی ایلیشکی‌لری‌نین گلیشه‌رک داوام ائدجگین‌دن امین اولدوغونو سؤیلدیگی بیلدیریلدی.

 ت  ر ت

یوروم یازین

Back to Top