دیل سئچین

اسکي‌شهير: دونيا قادين‌لار گونو موناسيبتي ايله "قادين گولرسه" آدلي توپلانتي کئچيريلدي/ شکیل‌لر

MANSET

اویان‌نیوز-ا اؤزل: کئچن گون ۸ مارت، دونیا قادینلار گونو موناسیبتی ایله “قادین گولرسه” آدلی ایکینجی توپلانتی تورکییه‌نین اسکی‌شهیرینده کئچیریلدی.

اویان‌نیوزون موخابیرینین وئردیگی خبره گؤره، ۲۰۱۴-جو ایل، مارتین ۸-ی، دونیا قادینلار گونو، “قادین گولرسه” آدیندا اولان ایکینجی توپلانتی آذربایجانلی قادین آکتیویستلرین چیخیشلاری ایله تورکییه‌نین اسکی‌شهیرینده، یونوس امره کونفرانس سالونوندا کئچیریلدی.

قادین و اینسان حاقلاری آکتیویستی اولان افسانه سولدوزلو، سیمین صبری و سهیلا عزیزی قادین حاقلاری قونولاریندا چیخیش ائتدیلر. بو پانئلین یؤنتیجیسی تورکان اورمولو ایدی. پانئلین سونوندا چیخیشچی‌لار قاتیلیمچی‌لارین سورولارینی جاوابلادیلار. بو کونفرانسین ایکینجی بؤلومونده اوزان حجت تبریزلی موسیقی اثرلرینی ایفا ائتدی. ایکینجی بؤلومون باشلانغیجیندا آذربایجانلی آراشدیرماچی- یازار یونس شامیلی قادین حاقلاری و آذربایجان میلی حرکتی قونوسوندا اؤز فیکیرلرینی بیلدیردی. ایکینجی بؤلومون ایچینده، آذربایجانلی شاعیر آذریار دانشور بو گونله ایلگیلی یازدیغی شئعرینی اوخودو.

بو کونفرانس اسکی‌شهیر آذربایجانلیلار درنگی طرفیندن قورولموشدو.

فوتوگرافچی: هادی موسوی

_MG_4304_MG_4324_MG_4327_MG_4336_MG_4346_MG_4358_MG_4372_MG_4373_MG_4374_MG_4389_MG_4402_MG_4409_MG_4420_MG_4433_MG_4445_MG_4466_MG_4476_MG_4492

 

یوروم یازین

Back to Top