دیل سئچین

اطلاعات ژورنالیستلرین حبسی ایله باغلی نؤوبتی بیانات یاییب

اویان نیوز: سون بیر آیدا ایران‌دا اونلارلا ژورنالیست حبس ائدیلیب، ۴ نفرین اؤلکه‌دن قاچدیغی بیلدیریلیر

ایران اینفورماسییا، تحلوکه‌سیزلیک و کشفیات ناظرلیگی (اطلاعات) بیانات یاییب.

آپا-نین معلوماتینا گؤره، بیانات‌دا بیلدیریلیر کی، «بؤیوک بریتانییانین کشفیات اورگانی می ۶-نین پسیخولوژی سلاحی اولان بی بی سی تلرادیوسو ایله امکداش‌لیق ائد‌ن» داها بیر نئچه نفر ایستینتاقا چاغیریلاراق سورغو-سوالا توتولوب و ایفاده‌لری آلینیب.

بیانات‌دا همچینین ۳۰ یانوار و ۵ فئورال‌دا بی بی سی تلرادیوسو ایله امکداش‌لیق ائد‌ن بیر نئچه نفرین حبس ائدیلدیی و ایستینتاقا چاغیریلانلارا بو تلرادیونون پیس و گیزلی عمللری حاقین‌دا معلومات وئریلدیی قید اولونور. بوندان علاوه، بیانات‌دا ایستینتاقا چاغیریلانلار و حبس سیاهی‌سین‌دا آدی کئچه‌ن ۴ نفرین قاچدیغی، بونلاردان بیرینین غیری-قانونی یوللا ایرانی ترک ائتدیی وورغولانیر.

سندده همچینین «بیر نئچه اکس اینقیلاب‌چی رادیو، تلویزییا، اینترنت سایتی و ۲۰۰۹-جو ایل ایغتیشاشلاری زامانی اؤلکه‌نی ترک ائتمیش شخصلر بؤیوک بریتانییانین کشفیات اورگانی می ۶-نین پسیخولوژی سلاحی اولان بی بی سی تلرادیوسو طرفین‌دن ایداره اولونور» ایفاده‌سینه یئر وئریلیب.

قید ائدک کی، اطلاعات امکداشلارینین یانوارین ۲۶-دا کئچیردیی عملیات نتیجه‌سین‌ده «آرمان»، «اعتماد»، «بهار»، «شرق» و «آسیمان» قزئتلرینین و ایلنا خبر آگئنتلیگی و دیگر کوتلوی اینفورماسییا واسطه‌لرینین اونلارلا ژورنالیستی حبس ائدیلیب. اونلارین چالیشدیغی رداکسییالاردا آختاریش آپاریلاراق کامپوترلری، ال یازمالاری و باشقا شخصی اشیالاری موسادیره اولونوب. حبس ائدیلمیش ژورنالیستلر خاریج‌ده فعالیت گؤستره‌ن اکس اینقیلاب‌چی مؤقعلی فارسدیللی مئدیا ایله امکداش‌لیق‌دا تقسیرلندیریلیر.

بون‌دان علاوه، ایلام شهرینین «وربا»، «کوشک» و «نجوا» آدلی قزئت و درگیلرین‌ده چالیشان ژورنالیستلرین حبسی باره‌ده ده معلومات یاییلیب. توتولان ژورنالیستلردن مطهره شفیعی ایکی گون ساخلانیلدیق‌دان سونرا ظمانتله موقتی آزادلیغا بوراخیلیب. عینی زامان‌دا، «اعتماد» قزئتینین باش رداکتورو جواد دلیری ده فئورالین ۱۸-ده ۱۰۰ میلیون تومه‌ن زمانتله گونورتادان سونرا آزادلیغا بوراخیلیب.

آمریکا سسی

یوروم یازین

Back to Top