اورمیه‌ده آشیق هئیکلیندن پرده آچیلدی

IMG_8334

اویان نیوز: اورمیه‌‌نین ائللرباغی پارکیندا آشیق سمبولو اولان هئیکلدن پرده آچیلدی.

بیلیم‌سسی‌نین اورمیه‌ده‌کی مخبرینین وئردییی بیلگیلره گؤره، بوگون آخشام چاغی، اورمیه شهرداری و شهر شوراسی‌نین بیر نئچه نفرینین اشتراکی ایله بؤیوک بیر آشیق هئیکلیندن پرده آچیب آچیلیش مراسمی کئچیریلدی. اورمو خالقینین گئنیش حضوروندا، آشیق ذکریانین ایفاسیندان سونرا، اورمیه شهرداری‌ دا اؤز دانیشیقلاریندا بو گؤزل گون اؤچون هامیدان تشککور ائدیب، بوتون آشیق‌لارا اؤز مینتدارلیغینی بیلیندیردی.

او دانیشیقلاریندا آرتیردی، «هامیمیزا وظیفه‌دیر آذربایجانین اصیل موسیقی‌سینی قورویوب گله‌جک نسیللره چاتدیراق».

او آرتیردی، تورک میسیقیمیزه غرب موسیقیسینین غلبه‌سینه شاهیدیک و بو چو.خ آجی بیر اتفاق‌دی و گرک اؤز موسیقیمیزی اصیل حالیندا ساخلایاق. او بو اولایی فارس موسیقی‌سینینده باشینا گلمه‌سینی وورغولاردی.

اورمو بلدیه باشقانی حضرت پور، صحبت‌لرینین داوامیندا دئدی، اورمیه آبادانلیغینی سورعتله قاباغا آپارماقلارینی وورغولاییب دئدی، گله‌جکده داها یاخشی  و مهم ایشلر گؤرمه‌یی پلانلامیشیق و بوتون خالقیمیزین فیکیرداشلیغینی و کؤمک ائتمه‌سینی گؤزله‌ییریک.

مراسیمین سونوندا آشیق هئیکلیندن پرده آچیلدی و خالق طرفیندن گئنیش شکیللر یادیگار اولارا چکیلدی.

بو مراسیمده آشیق ذکریادان سونرا باشقا آشیق یوخ ایدی و هامییا سوال ایدی.

شکیل: حسین واحدی

IMG_8282_1 IMG_8291_1 IMG_8302 IMG_8307 IMG_8334 IMG_8365_1 photo-Huseyn-Vahedi-Urmiya photo-Huseyn-Vahedi-Urmiya2

بو یازیدا بیر یوروم یازیلیب

  1. به بو عاشیق نییه سازی دایاییب گؤبه‌یینه؟! 

یوروم یازین

Back to Top