دیل سئچین

اورمیه گؤلو اطرافین‌دا ۱۰۰-دن چوخ کند تام بوشالیب

اویان نیوز اختصاصی : بؤلگه‌ده ۱۲۰-دن چوخ میوه باغینین تامامی محو اولدوغو و چوخلو ساییدا شیرین سو قویوسونون یارارسیز حالا دوشدویو بیلدیریلیر.

ایران‌دا اورمیه گؤلونون قوروماسی نتیجه‌سینده اطراف اراضیلرده یئرلشن ۱۰۰-دن چوخ کند تاماماً بوشالیب.

اویان نیوز موخبرینین وئردیگی معلوماتینا گؤره، حیات شرایطی آغیرلاشان، دولانا بیلمین اهالی تهران و باشقا شهرلره کؤچملی اولوب.

اورمییا گؤلونون قوروماسی نتیجه‌سینده یئرآلتی سولار دا دوزلاشیب، اکین ساحه‌لری یارارسیز حالا دوشوب، بؤلگه‌ده شیرین سو قیت‌لیغی یارانیب. نتیجه‌ده اهالی اکینچیلیکله و حئیواندارلیقلا مشغول اولا بیلمییب.

بؤلگه‌ده ۱۲۰-دن چوخ میوه باغینین تامام محو اولدوغو و چوخلو ساییدا شیرین سو قویوسونون یارارسیز حالا دوشدویو ده بیلدیریلیر.

بو خبرین یایین حاققی اویان نیوز سیته سینیندیر و آنجاق قایناق وئررک یایینلانابیلر

یوروم یازین

Back to Top