دیل سئچین

اورمییالی میلیاردر سیاست‌چی و پارلامنت آراسین‌دا موناقیشه یارانیب

اویان نیوز: کئچمیشده ریفاه ناظری و داخیلی ایشلر ناظری اولموش اورمییالی میلیاردر سیاستچی صادق محصولی نین سون گونلر ایران پارلامنتینه قارشی ائتدیی چیخیشلارینا بیر چوخ دئپوتاتدان سرت رئاکسییالار گلیب.

ایران وب صحیفه‌لرین‌ده یازیلمیش معلوماتلارا ایستینادن، بعضی دئپوتاتلار محصولی نین ثروتینین هان‌سی یوللارلا الده ائدیلدیینین آراشدیریلماسی ضرورتینی یئنیدن گوند‌مه گتیرمکله اونا پروبلملر یاراتماق ایستییر.

آذربایجان‌لی سیاست‌چی ۲۰۰۵-جی ایلده یاخین دوستو اولان پرزیدنت احمدی‌نژاد طرفیندن نفت ناظری تعیین ائدیلسه ده، ثروتی ایله باغلی شوبهه‌لرله علاقدار ایران پارلامنتینده اعتیماد سسی آلا بیلممیش‌دی. آنجاق داها سونرا، او، ۲۰۰۸-۲۰۰۹-جو ایللرده داخی‌لی ایشلر ناظری و ۲۰۰۹-جو ایلده‌ن ۲۰۱۱-جی ایله قدر ریفاه ناظری اولاراق احمدی‌نژاد حکومتینده تمثیل ائدیلمیش‌دیر.

ایران سئچکیلرین‌ده اؤن‌ملی رول اوینایان ایسلام اینقیلابی ثابت‌لیک جبهه‌سینین نفوذلو عضولرین‌دن بیری اولان صادق محصولی اؤتن هفته قورومون گله‌جک پرزیدنت سئچکیلری ایله باغلی کونفران‌سین‌دا ایران پارلامنتی ایسپیکری و پرزیدنت احمدی‌نژاد آراسین‌دا باش ور‌ن موناقیشه‌لره توخونموش، «مجلیس رهبرین (خامنه ای نین) اوریینی اینجیتدی»دئیه‌رک، پارلامئنتی تنقید ائتمیش‌دی.

آمریکانین اجتماعی مسئله‌لره دایر فرونت لینئ سندلی تو پروقرامی ۲۰۰۹-جو ایلده یاییملادیغی وئریلیش‌ده صادق محصولینین ثروتینین ۱۶۰ میلیون دوللار اولدوغونو بیلدیرمیش‌دی.

آمریکا سسی

یوروم یازین

Back to Top