دیل سئچین

اورمییا آشیقلارینین یارادیجی‌لیغینا یوکسک قیمت وئریلیب

اویان نیوز: اؤتن گونلرده تبریزده کئچیریله‌ن اوزان آشیق قروپونون بؤیوک کونسرتینده اورمییا آشیق مکتبینین اوستاد آشیقلاری یوسف اوهانس و محمد حسین دهقانین یارادیجی‌لیغینا یوکسک قیمت وئریلیب.

اورمییالی اوستادلارا شاعر ستار گلمحمدی، دیلچی و شاعر علی داشقین، آشیق صنعتی آراشدیرماچیسی جواد دربندی و اینجه سنت خادیمی زیدی طرفین‌دن فخری فرمان تقدیم ائدیلیب.

یئنی‌یئتمه چاغلارین‌دان قوپوز چالیب آشیق ماهنیلاری ایفا ائد‌ن ۸۶ یاشلی آشیق یوسف و ۷۹ یاشلی آشیق دهقان موختلیف موسیقی فئستیواللارین‌دا موکافاتلار آلیب، آذربایجان رسپوبلیکاسی و تورکییه‌ده چیخیش ائدیبلر.

آشیق صنعتی آراشدیرماچیلارینین آذربایجان و آنادولو آشیق صنعتلری آراسیندا بیر کؤرپو کیمی قیمتلندیردیی اورمییه آشیق مکتبینین اساسی ۱۸-۱۹-جو عصرلرده دول‌لو مصطفی، بالوولو میسکین و قول هارتون طرفین‌دن قویولوب.

اورمییا مکتبینین اساس خصوصیتلریندن بیری اونون اورمییا، خوی، سلماس، سولدوز و قوشاچای کیمی شهرلرده آذربایجان تورکلری ایله یاناشی آیسورلار (آشوریان) و ارمه‌نیلر کیمی دیگر ائتنیک قروپلارا منسوب موسیقی‌چیلر طرفین‌دن تمثیل ائدیلمه‌سی، هابئله شیعه، سوننی، علوی و خریستیان آذربایجان‌لیلار آراسین‌دا بو موسیقی نؤوونون گئنیش یاییلماسی و بوتون بو قروپلار آراسین‌دا اوستاد ایفاچیلارین یئتیشدیریلمه‌سین‌دن عبارتدیر.

بو گون بو مکتبین تانینمیش خریستیان اوستادی آشیق یوسف اوهانئ‌سین آتاسی آشیق یاقوب و باباسی آشیق ایشو دا اؤز دؤورلرینین مشهور آشیقلاری اولوبلار.

 ویدیو ایچین

آمریکا سسی

یوروم یازین

Back to Top