اویان نیوز: ۴.جو اولوسلارآراسی تورک دونیاسی کولتور قورولتایی، ۲۴ اؤلکه‌دن ۱۱۵ آکادمیسینین ایشتیراکی ایله دونن موغلانین فتحیه ائلچه‌سینده باشلادی.
خالق کولتور آراشدیرما‌لاری قورومو ایله فتحیه بلدیه‌سی‌نین اورتاق شکیلده تشکیل ائتدیگی قورولتایین بو ایلکی تئماسی تورکو، تورکولریمیز و اؤیکولری ایله تورکولر شکلینده تعیین اولوندو. بئشکازا میدانیندا نووروز قوتلاماسی ایله باشلایان، داها سونرا فتحیه بلدیه‌سی مدنیت مرکزینده داوام ائدن قورولتایا ۲۴ اؤلکه‌دن ۱۱۵ عالیم قاتیلدی. خالق کولتور آراشدیرما‌لاری قورومو باشقانی دکتر عرفان نصرالدین‌اوغلو، قورولتایین آچیلیشیندا دانیشماسیندا، تاریخ بیر آز آراشدیردیغیندا تورک مدنیتی‌نین ایللر اؤنجه خاریجی بیلیم آدام‌لاری طرفین‌دن تثبیت ائدیله‌رک دونیایا آنلاتیلدیغی‌نین گؤروله‌بیله‌جیینی ایفاده ائتدی. قورولتایلا تانیدیلماسینا قاتقی سوناجاقلاری تورک مدنیتی‌نین ان اؤنم‌لی اؤزللیک‌لرین‌دن بیری‌نین خالق مدنیتی اولدوغونو دیله گتیرن نصرالدین‌اوغلو، “نووروز بیر تورک مدنیتی‌دیر. نه یازیق کی بیر گون گلمیش مدنیتیمیزی اونوتموشوق. نوروزو باشقا‌لاری صاحبلنمیش. ظن ائدیلمیش کی نووروز یالنیز او توپلوما عاید. حال‌بوکی نووروز گئرچک معنادا تورک بایرامی‌دیر” دئدی.
قورولتایین بو ایلکی تئماسی‌نین تورکولر اولدوغونو ایضاح ائدن نصرالدین‌اوغلو، “تورکو دئدیگیمیز اولوشومون تورک‌لرین اوزرین‌دکی تأثیرلری‌نین اله آلینماسی لازیم. چونکی تورک میللتی، یاشادیغی آجینی و سئوگینی تورکولره عکس ائتدیرمیش. بو سبب‌دن قورولتایدا تورکولری دیله گتیره‌جییک. تورکولری یالنیز ایله‌نجه عنصورو اولا‌راق اله آلماماق لازیم‌دیر. چونکو هر تورکونون میصراع‌لاریندا مئساژلار وار. بون‌لاری یاخشی آنلامامیز لازیم‌دیر” دئدی. فتحیه قائم مقامی اکرم چالیک ایسه اورتاق دگرلری میللت اولما شعورو ایله اورتایا قویا‌راق گئچمیش‌دن گله‌جه‌یه داشیمانین اؤنم‌لی اولدوغونو سؤیله‌دی. مدنیت‌لرین گله‌جک نسیل‌لره کؤچورولمه‌سینده بیلیم اینسان‌لارینا اؤنم‌لی وظیفه‌لر دوشدوگونو وورغولایان چالیک، “تورک اولماق‌دان میللتجه قورور دویوروق، اما تورک اولماق باشقا میللته دوشمن اولماغی طلب ائتمیر. هر کس اؤز اؤلکه‌سینی سئوسین، داها یاخشی یئرلره داشیماق اوچون الین‌دن گله‌نی ائتسین” دئدی. بلدیه باشقانی بهجت ساعاتچی دا تورکیه‌دکی ۸۰۰ ائلچه آراسیندا یئر الان فتحیه‌ده اولوسلارآراسی تورک دونیاسی مدنیت قورولتایینی گئچیرمه‌نین قورورونو یاشادیق‌لارینی قید ائده‌رک، تورک مدنیتینه بیر آز قاتقی ساغلایابیلمه‌نین موتلولوغونو یاشادیق‌لارینی دیله گتیردی.
ساعاتچی، “تورک دئمک بیر عرقا باغلی اولماق دئییل، یاشاییشلا، مدنیتله، ایلکه ایله، تورکویله یاشاماق‌دیر. تورک دئمک، ایراده‌لی، ایداره‌چی، حؤکم ائدن اولماق‌دیر. تورک اصیل‌دیر، عدالت‌لی‌دیر، چالیشقان‌دیر و وطنی اوچون اؤلندیر. تورپاغینی قان ایله آلان، قان ایله وئرندیر” شکلینده دانیشدی. چیخیش‌لاردان سونرا خالق کولتور آراشدیرما‌لاری قورومو طرفین‌دن کیئو شئوچئنکو اونیورسیته‌سی تورکولوژی بؤلوموندن دکتر فئدورا ایوانوونا آرناوتا تورک خالق مدنیتینه خیدمت اؤدولو وئریلدی. آکادمیسین‌لرین تورکو مؤوضوسوندا توپلام ۹۹ سونوم یاپاجاغی قورولتای ۲۴ مارسدا سونا چاتا‌جاق. سونوملار، قورولتایین آردیندان کیتاب حالینا گتیریله‌جک.
ت رت
