اویان نیوز: آذربایجان مطبوعاتینا گؤره خوجاوند و فضولی بؤلگه‌سینده چیخان چاتیشما سونراسی اون ارمنی عسگری اؤلدورولدو. آذربایجان سلاح‌لی گوج‌لری آلارم سویه‌سینی ان اوست نقطه‌یه چیخاردی.
آغدام، فضولی و توووز بؤلگه‌لرین‌دن داوام‌لی آتیشکس پوزونتولاری‌نین یاشاندیغینا دایر خبرلر گلیر. آذربایجان ساوونما باخانلیغین‌دان وئریلن آچیقلامایا گؤره ارمنی‌لر ترتر بؤلگه‌سین‌دن سیزمایا گیریشدی. آذربایجان ساواش اوچاق‌لاری بللی زامان آرالیقلارییلا جبهه خطینده اوچوش‌لار گرچکلشدیرمه‌یه باشلادی.
چاتیشما‌لارین سیخلاشدیغی دیگر بؤلگه ایسه توووز اولدو. آذربایجان مطبوعاتیندا چیخان خبرلره گؤره ارمنی‌لر، ایشغال ائتدیگی ایکی کنددن چئکیلمک مجبوریتینده قالدی. تخمینن آلتی ساعات داوام ائدن چاتیشما سونراسیندا، اؤلو و یارا‌لی عسگرلرین اولوب اولمادیغی حاقیندا رسمی آچیقلاما وئریلمه‌دی. آنجاق توووز بؤلگه‌سین‌دن سیویل بیر آذربایجان‌لی یارالاندی.
اساس‌سیز خبرلرین و بیلگی چیرک‌لی‌لیگی‌نین قارشی‌سینی آلماق اوچون آذربایجان ساوونما باخانلیغی رسمی اولمایان خبرلره اعتبار ائدیلممه‌سی یولوندا آچیقلاما وئردی.
بو آرادا آذربایجان و ارمنیستان خاریجی ایشلری باخانلاری باریش دانیشیق‌لاری اوچون پاریسده بیر آرایا گله‌جک. ان اؤنم‌لی گوندم ماده‌سی‌نین ۱۹۹۴ده بیشکئکده ایمضا‌لانان آتیشکس آنلاشماسی‌نین بو ایل بیته‌جک اولماسی گؤستریلیر.
قایناق: ت ر ت تورکی
