دیل سئچین

اوکراینا اونیورسیته‌لرینده تورک دیلینه بؤیوک ایلگی

اویان نیوز: ”اوکراینادا سون ۲۰ ایل ایچینده تورکجه گئنیش اولا‌راق اؤیردیلمه‌کده و بؤیوک ماراق گؤرور”

اوکراینادا، اونیورسیته‌لرین چوخوندا درس اولا‌راق تورکجه اؤیردیلیر. اونیورسیته‌لر آراسیندا هر ایل تشکیل ائدیلن دیل یاریشما‌لاریندا، اؤیرنجیلر، تورکجه بجری‌لرینی گؤسترمه فرصتی تاپیر. اوکراینا اونیورسیته‌لری آراسیندا تشکیل ائدیلن دوغو دیل‌لری یاریشماسی، باشکند کیئوده‌کی دیلچی‌لیک اونیورسیته‌سینده دوزنلندی. مختلیف دال‌لاردا یاریشما‌لارین ائدیلدیگی گونون سونوندا، تورکجه اؤیرنن اؤیرنجی‌لر، تورکیه‌نین کیئو ائلچیسی محمد سامسار ایله آخشام یئمیینده بیر آرایا گلدی.

اورگانیزاسیونون تورکجه آیاغی، کیئو ائلچیلیگی کولتور بؤلومو ایله تورک-اوکراینا ایش آدام‌لاری درنگی اسپونسورلوغوندا گرچکلشدیریلیر.

دقتی جلب ائدن یاریشما مؤوضوسوندا بیلگی وئرن کیئو میللی دیلچی‌لیک اونیورسیته‌سی دوغو دیل‌لری فاکولته‌سی‌نین رئیسی سئرگی سوروکین، “اوکراینادا سون ۲۰ ایل ایچینده تورکجه گئنیش اولا‌راق اؤیردیلمه‌کده و بؤیوک ماراق گؤرور. من اؤزوم ده تورکولوگام. بیزیم اوخولوموزدا اؤیرنجی‌لر تورکجه‌نی و تورکیه‌نی چوخ سئویرلر. هر ایل، اوکراینا ائگیتیم باخانلیغی حمایه‌سینده، دوغو دیل‌لری المپیادالاری دوزنله‌ییریک، اوکراینانین هر طرفین‌دن گلن اؤیرنجیلر یاریشیر، ان یاخشی اؤیرنجیلره هدیه‌لر وئریریک” دئدی. دوغو دیل‌لری یاریشما‌لاری، اوکراینادا هر ایل تورک، عرب، فارس، چین و کره اولماق اوزره ۵ دیلده یاپیلیر. اوکراینا ائگیتیم باخانلیغی طرفین‌دن تانینان اورگانیزاسیوندا، ۱۹ فرق‌لی اونیورسیته‌‌دن ۱۵۰ اؤیرنجی یاریشیر.

  ت رت

یوروم یازین

Back to Top