اویان نیوز : هیندیستاندا اؤتن هفته اتوبوسدا توپلو تجاوزا اوغرایان و آردین‌دان اتوبوس‌دان آتیلان قیز اؤیرنجی خسته‌خانادا حیاتینی ایتیردی
هیندیستاندا اؤتن هفته اتوبوسدا توپلو تجاوزا اوغرایان و آردین‌دان اتوبوس‌دان آتیلان قیز اؤیرنجی خسته‌خانادا حیاتینی ایتیردی.
۲۳ یاشین‌داکی قادی‌نین اؤلومونون یئنی بیر اعتراض دالغاسینی باشلاتماسی گؤزلنیلیر. خسته‌خانا یئتکی‌لی‌لری، گنج قادی‌نین چوخ‌لو اورقان یئتمزلیگی سببیله سحر ساعت‌لاریندا حیاتینی ایتیردیگینی آچیقلادی. گنج قادین، ۲ گون اؤنجه هیندیستان‌دان معا‌لیجه آماجلی سنگاپورا گتیریلمیشدی. فیزیوتراپی اؤیرنجیسی اولان گنج قادین، ۱۶ دسامبردا یئنی دهلیده میندیگی اتوبوسدا بیر چته طرفین‌دن توپلو تجاوزا اوغرامیش و سونرا حرکت حالین‌داکی اتوبوس‌دان آشاغی آتیلمیشدی. اولای‌دان سونرا اؤلکه‌ده بؤیوک اعتراض گؤستری‌لری دوزنلنمیش، ۶ آدام گؤزآلتینا آلینمیشدی. گؤستریلرده پلیس و گؤزآلتینا آلینان‌لارین اعدام جزاسینا چارپدیریلماسینی ایسته‌ین ائیلمچیلر آراسیندا چاتیشما‌لار چیخمیش، بیر پلیس اؤلموشدو.
گؤسیری‌لرله چتین دورومدا قالان هیندیستان حکومتی، قادین‌لارین توپلو داشیما آراجلاریندا قورونماسی اوچون حرکته گئچدی. باشباخان مانموهان سین، حادثه‌دن بؤیوک اوزونتو دویدوغونو و قادین‌لارین قورونماسی اوچون یاسا چیخارا‌جاق‌لارینی سؤیله‌دی. باشکند یئنی دهلیده هر ۱۸ ساعتدا بیر، بیر قادی‌نین تجاووزا اوغرادیغی، چوخو اولایدا فاعیللرین یاخالاناممادیغی ایفاده ائدیلیر.
ت ر ت تورکی
