دیل سئچین

ايستانبول: ايران کونسوللوغو قارشيسيندا آکسييا کئچيريلدي

g1

اویان نیوز: بازار گونو، ایرانین ایستانبولداکی کونسوللوغو اؤنونده اعتیراض آکسییاسی کئچیریلدی.
اویان نیوزون سانانیوزا ایستینادن وئردیگی خبره گؤره بازار گونو، ۹ مارت ۲۰۱۴ تاریخینده آذربایجان میللی فعاللاری، آذربایجان سیاسی محبوسلارینین شکیللری و پلاکاردلار گؤتوره‌رک ایرانین ایستانبولداکی کونسوللوغو اؤنونده اعتیراض آکسییاسی کئچیردیلر.
بو آکسییا، تورکیه واختییلا ساعات ۱۴-ده کئچیریلدی.
“تورک دیلینده مدرسه- حاقیمیزدیر، حاقیمیز” ،آنکارا، باکی، تبریز- بیرلیکده گوجلوگوک بیز” ،”اورمو گؤلو جان وئریر- ایران اونون قتلینه فرمان وئریر” و “آذربایجان وار اولسون- ایستمه‌ین کور اولسون” شوعارلاری بو آکسییادا سسلندیریلن شوعارلاردان ایدی.
بو آکسییا، بیلدیری اوخوماقلا سونا چاتدی.
بو بیلدیریده آکسییایا قاتیلانلارین ایستکلری بونلاردان عیبارت ایدی:
۱٫ گونئی آذربایجان میللی محبوسلارینین آزادلیغی
۲٫ فارس دیلینین یانی سیرا تورک دیلینین رسمی اولماسی
۳٫ اورمو گؤلونون قورولدولماسی پروقرامی دایاندیریلیب، بو گؤل اؤنجه‌کی دوروما قایتاریلمالیدیر
۴٫ شووینیزم و عیرقچیلییه سون وئرمک
بو آکسییا گاموح تشکیلاتی طرفیندن دوزنلنمیشدی.

g1 g1 g3 g4 g5

 

 

یوروم یازین

Back to Top