دیل سئچین

ایتن قاره‌یه عاید پارچا‌لار تاپیلدی

اویان نیوز: ” Nature Geoscience” ژورنالیندا یاییملانان راپورا گؤره، نوروئژ، جنوبی آفریقا، آلمانیا و اینگیلتره‌دن علم آداملاری، هیند اوقیانوسونون دؤشمه‌سینده ۵۰-۸۰ میلیون ایل اوّلینه عاید تخمینن ۲۵-۳۰ کیلومتر قالینلیغیندا بیر قارا کوتله‌سی کشف ائتدی

علم آداملاری، میلیون‌لارلا ایل اوّل هیند اوقیانوسونون درین‌لیک‌لرینه باسدیریلدیغی سانیلان بیر قاره‌یه عاید پارچا‌لار تاپدی.

” Nature Geoscience” ژورنالیندا یاییملانانراپورا گؤره، نوروئژ، جنوبی آفریقا، آلمانیا و اینگیلتره‌دن علم آداملاری، هیند اوقیانوسونون دؤشمه‌سینده ۵۰-۸۰ میلیون ایل اوّلینه عاید تخمینن ۲۵-۳۰ کیلومتر قالینلیغیندا بیر قارا کوتله‌سی کشف ائتدی.

علم آداملاری، قاره‌لرین بیر-بیریندن آیریلماسی پروسه‌سینده بویوک دالغا‌لارین آلتیندا قالا‌راق اوقیانوسون درین‌لیک‌لرینه باسدیریلدیغی سانیلان ایتکین قاره‌یه “ماوریتیا” آدینی وئردی.

تخمینن ۱ میلیارد ایل اول یئر اوزونده “رودینیا” آدی وئریلن تک بیر قاره‌نین اولدوغونا دقتی چکن علم آداملاری، داها سونرا سوپر قاره‌نین پارچا‌لارا آیریلا‌راق ایندیکی قاره‌لره شکلینی وئردیگینی ایفاده ائتدی.

آفریقا قاره‌سی‌نین جنوب-شرق ساحلی‌نین تخمینن ۲ مین کیلومتر آچیغیندا، هیند اوقیانوسوندا ایشتیراک ائدن ماوریتیوس آداسی ایله ۱۱۵ آدا‌دان عبارت اولان سئیشل ساحل‌لرینده قوم دنه‌لرینی آراشدیران علم آداملار، تخمینن ۹ میلیون ایل اوّل میدانا گلن وولکانیک پارتلامادا پارچا‌لانان داش‌لارا عاید کیچیک دنه‌لرین چوخ داها اسکی‌یه عاید مینرال‌لار احتیوا ائتدیگینی کشف ائتدی .

نوروئچ‌دکی اوسلو اونیورسیته‌سیندن پروفسور تروند تورسویک، قوم دنه‌جیک‌لرینه قاره‌سل قابیغا خاص زیرکونلار اولاراق بیلینن داشلارا راست گلدیک‌لرینی آچیقلادی.

اولان زیرکون پارچاجیق‌لاری‌نین تخمینن ۶۰۰ میلیون ایل اوّلینه عاید اولدوغونا ایشاره ائدن پروفسور تورسویک، زیرکون‌لارین بیر وولکان پارتلاماسی زامانی سولارا باسدیریلان بیر قاره‌دن قالدیغینی ایفاده ائتدی.

پارولون قاره‌نین ایزینی سوره‌بیلمک اوچون سیسمیک معلومات‌لارین دا آراشدیریلدیغینی و هیند اوقیانوسو دؤشمه‌سینده آراشدیرما‌لار ائدیلدیگینی ایفاده ائدن پروفسور تورسویک، ماوریتیوس آداسی‌نین تخمینن ۱۰ کیلومتر آلتیندا، هیند اوقیانوسونون دؤشمه‌سینده ۲۵-۳۰ کیلومتر قالینلیغیندا بیر قارا کوتله‌سی تاپدیق‌لارینی سؤزلرینه علاوه ائتدی.

ت ر ت

یوروم یازین

Back to Top