دیل سئچین

ایران، آمریکانین دوغرودان گؤروشمه تکلیفینی رد ائتدی

اویان نیوز:  آمریکا باشقان کؤمکچی‌سی جو بایدین‌ین دوغرودان گؤروشمه تکلیفینه ایرانین دینی لیدئری آیت‌الله علی خامنه‌ای “یوخ” جاوابی وئردی.

ایرانین تکلیفه یاخلاشیمی، علی خامنه‌ای‌نین اینترنت سایتینا قویولان آچیقلامایلا اورتایا قویولدو. آچیقلامادا، آمریکا بیرلشمیش دؤولت‌لری‌نین ایرانا بیر طرف‌دن سلاح دوغرولتدوغو بیر طرف‌دن ده گؤروشمه تکلیفینده اولدوغو ایفاده ائدیلدی. ایرانین، تضییق آلتیندا هر هانسی بیر گؤروشمه‌نی قبول ائتمه‌یه‌جیی وورغولانان آچیقلامادا، آمریکا بیرلشمیش دؤولت‌لری‌نین ایرانلا گؤروشمه یول‌لاری آختاریشی‌نین آرخاسیندا دا اورتادوغوداکی باشاری‌سیزلیغی‌نین یاتدیغی ایفاده ائدیلدی. جو بایدن، هفته سونوندا، ایرانین نوکلئر چالیشمالارینا باغلی بیره بیر گؤروشمه تکلیفی ائتمیش، آنجاق آمریکا رهبرلیگی ده دونن آلدیغی بیر قرارلا، تهرانا تحریملری آغیرلاشدیرمیشدی.

بیرلشمیش میللت‌لر تشکیلاتی‌ امنیت شوراسی‌نین بئش دایمی عضوو ایله آلمانیانین اولوشدوردوغو آلتی‌لی قروپ، بیر مدت‌دیر ایران ایله نوکلئر باش‌لیق‌لی موذاکیره‌لر یئریدیر. هله بیر نتیجه‌یه واریلا‌بیلمه‌ین دانیشیق‌لارین چرچیوه‌سینده طرف‌لرین ۲۶ فوریه‌ده قازاقیستانین آلماتی شهرینده بیر آرایا گلمه‌لری گؤزلنیلیر.

ت ر ت

یوروم یازین

Back to Top