اویان نیوز : ایران گنل قورمای باشقانی حسن فیروزآبادی، ناتو-نون تورکیه‌نین سوریه سرحدینه پاتریوت موشک‌لری یئرلشیرمه‌سی‌نین، بیر دونیا ساواشی اوچون زمین حاضیرلادیغینی ادعا ائتدی
ایراندان دونیا محاربه‌سی تهدیدی …
ایران گنل قورمای باشقانی حسن فیروزآبادی، ناتو-نون تورکیه‌نین سوریه سرحدینه پاتریوت موشک‌لری یئرلشیرمه‌سی‌نین، بیر دونیا ساواشی اوچون زمین حاضیرلادیغینی ادعا ائتدی.
ژنرال فیروزابادی ائتدیگی آچیقلامادا، تورکیه‌نین اؤزونو گوون ایچینده حیس ائتمه‌سینی آرزولایدیق‌لارینی ایفاده ائدرکن، ناتو-یا پاتریوت راکت‌لرینی تورکیه‌ده قونوشلاندیرماماسی چاغیریشینی دا ائتدی.
“هر بیر پاتریوت دونیا خریطه‌سی اوزرینده قارا بیر لکه‌دیر، بیر دونیا محاربه‌سینه سبب اولا بیلر” دئین ایران گنل قورمای باشقانی، عرب اؤلکه‌لری دونیا محاربه‌سی پلان‌لاری ائتمکله گوناهلاندیردی و “بو هم اینسانلیغین هم ده آوروپانین گله‌جگینی تهلوکه‌یه سالیر” دئدی.
تورکیه‌یه قارشی هر هانسی بیر حرکت تهدیدینده اولماق‌دان قاچینان فیروز آبادی، “تورکیه بیزیم دوستوموزدور. تورکیه‌نین گوونلیکده اولماسینی آرزولار” دئیه دانیشدی.
آلمانیا، آمریکا بیرلشیک دولت‌لری و هولند‌دن تداروک ائدیله‌جک پاتریوت‌لارین گله‌جک آی سونلاریندا تورکیه‌ده یئرلشدیریلمه‌سی گؤزلنیلیر.
ت.ر.ت تورکی
