دیل سئچین

ایرانین آنکارا ائلچیسی وداع ائدیر

اویان نیوز: ایرانین یئنی آنکارا ائلچیسی علیرضا بیگدلی گله‌جک هفته وظیفه‌یه باشلایا‌جاق

ایرانین آنکارا ائلچیسی بهمن حسین پور وداع ائدیر

سون دفعه تورک قازئته چی‌لرله بیر آرایا گلن حسین پور، ایکی اؤلکه آراسین‌داکی اؤزللیکله تیجاری ایلیشکی‌لرین وظیفه‌سی مدتینجه داها دا یاخشییا گئتدیگینه دقت چئکدی.‌۴ ایلدن چوخ بیر مدت‌دیر آنکارا ائلچیسی وظیفه‌سینی یئریدن بهمن حسین پور، وظیفه مدتی‌نین بیتمه‌سی سببی ایله بیر رسپسیون دوزنله‌دی. وظیفه‌یه گلنده پرزیدنت عبدالله گوله ایران‌دان گلن طبیعی گازین کسیلمه‌یه اوغراماماسی سؤزو وئردیگینی ایفاده ائدن حسین پور، “سؤزومو توتمانین سئوینجینی یاشاییرام” دئدی. تورکیه و ایرانین بؤلگه‌نین ایکی اؤنم‌لی اؤلکه‌سی اولدوغونو قید ائدن بهمن حسین پور، سوریه سورونونداکی گؤروش فرق‌لی‌لیک‌لرینه قارشی ایلیشکی‌لرین پوزولماماسی لازیم اولدوغونا وورغو ائتدی. سوریه پروبلئمینی حل ائتمک اوزره تورکیه، ایران و میصرین یاخین زاماندا اوچلو بیر توپلانتی گرچکلشدیره‌جگینی سؤیله‌دی.

قازاقیستاندا ۵ +۱ اؤلکه‌لری ایله نوکلئر مذاکیره‌لرده ایرانا نوکلئر انرژی اوردمه حاقینین وئریلمه‌سی لازیم اولدوغونو دیله گتیرن حسین پور، “نوکلئر سلاح اوردمک ایسته سیدیک، بیزی کیمسه دوردوراممازدی. آنجاق نوکلئر سلاح بیزه حرام‌دیر” دئدی. وظیفه مدتی بویونجا ایکی اؤلکه ایلیشکی‌لرینده اؤنم‌لی گلیشمه‌لر اولدوغونود دئین حسین پور، بو مدتده تیجارت حجمی‌نین ۵ میلیارد دو‌لاردان ۲۲ میلیارد دو‌لارین اوستونه چیخدیغینی ایفاده ائتدی. ایرانین یئنی آنکارا ائلچیسی علیرضا بیگدلی گله‌جک هفته وظیفه‌یه باشلایا‌جاق.

ت  ر ت

یوروم یازین

Back to Top