دیل سئچین

ایران‌دا حاکمیت اوغرون‌دا موباریزه کسکینلشیر؟

اویان نیوز:  ایران پرئزیدئنتینه یاخین اولدوغو دئییله‌ن سابیق پروکورور حبس اولونوب.

یاری-رسمی فارس آگئنتلیگی سعید مرتضوی نین تئهرانین ائوین حبسخاناسینا یئرلشدیریلدیینی بیلدیریب.

یانوار آیینادک زنگین سوسیال یاردیم قورومونون باش‌چی‌سی اولان جناب مرتضوی پارلامئنتین طلبیله وظیفه‌سین‌دن چیخاریلیب.

آ ب ش ۴۵ یاش‌لی سابیق پروکورورو دیگر رس‌میلرله یاناشی «اینسان حاقلارینی داوام‌لی و کوبود شکیل‌ده» پوزماق‌دا اتهام ائدیب.

تحلیل‌چیلره اساساً ساید مرتضوینین حبسی بیر طرفدن احمدی‌نژاد و دیگر طرفدن پارلامئنتله عدلیه آراسین‌دا داخی‌لی موباریزه‌نین تظاهرو اولا بیلر.

حبس ۲۰۰۹-جو ایلدکی موباهی‌سه‌لی سئچکیلردن سونرا محبوسلارین ایشگه‌نجه و اؤلوموله علاقه‌لی اولا بیلر، فارس آگئنت‌لیگی یازیر.

اؤتن آی سوسیال یاردیم قورومو باش‌چی‌سی وظیفه‌سین‌دن آزاد اولوندوق‌دان سونرا ساید مرتضوی پرئزیدئنت آدمینیستراسییاسین‌دا همین تشکیلاتین کوراتورو تعیین اولونوب.

بو تعیینات میللت وکیللرینی قزبلندیریب.

سابیق باش پروکورورو مدافعه ائد‌ن محمود احمدی‌نژاد پارلامئنت صدریله عدلیه رهبرینی کورروپ‌سییادا اتهام ائدیب کی، تحلیل‌چیلرین فیکرینجه بو،مرتضوینین حبسینه سببلردن بیرینی تشکیل ائده بیلر.

۲۰۰۹-جو ایلده محمود احمدی‌نژادین سئچیلمه‌سی و سئچکیلردن سونراکی تعقیبلر ایران حاکمیتی داخیلین‌ده‌کی موحافیظه کار و اصلاحات‌چیلار آراسین‌دا موباریزه‌نی گوجلندیریب.

موخبیرلره اساساً، پارلامئنت ایکینجی مدته پرئزیدئنت سئچیلمیش جناب احمدی‌نژادا قارشی تنقیدی مؤقع توتوب.

آوقوست آیین‌دا مدتی سونا چاتاجاق جناب احمدی‌نژادی پرئزیدئنت وظیفه‌سین‌ده اوزله‌یه‌جک ان شانسلی نامیزدلردن بیری کیمی پارلامئنت ایسپیکئری علی لاریجانینین آدی چکیلیر.

 قایناق بی بی سی

یوروم یازین

Back to Top