دیل سئچین

ایران‌دا قیمتلر آرتماق‌دا داوام ائدیر

اویان نیوز: ایران‌دا آذربایجان‌لیلار گور سسله ایران حکومتینین اونلارین آنا دیلین‌ده اوخوماق، مئدیایا صاحب اولماق و دانیشماق حقوقونو تاپدادیغینی بیلدیریر.

توران آگئنتلیینین موخبیری حافیظ بابالی آمئریکانین سسی رادیوسونا موصاحیبه‌سین‌ده ایران‌دا گؤردوکلرین‌دن دانیشیب. او تئهران‌دا ایران حکومتینین عرب اینقیلابلاری مؤوضوسون‌دا کئچیردیی کونفرانس‌دا ایشتیراک ائدیب

جناب بابالی ایران‌دا اینسانلارین کوتلوی اعتراضلارینا راست گلمه‌ییب. اونون سؤزلرینه گؤره، اهالی آراسین‌دا سانک‌سییالاردان اندیشه یوخ‌دور. «دوکان و بازارلار عادی رئژیم‌ده ایشلییر. ارزاق، گئییم و دیگر محصوللارین چاتیشمامازلیغی یوخ‌دور. ساده‌جه اینسانلار سون زامانلار قیمتلرین گوندگون آرتماسین‌دان نارازی‌دیر».

او ایران‌دا ساده اهالی آراسین‌دا آذربایجانین آمئریکا و ایسرایلله دوستلوق موناسیبتینین تنقید ائدیلدیینی بیلدیریب. «تئهران‌دا اینسانلارلا صحبت‌ده آیرین اولور کی، ایرانین رس‌می سیاستینین اینسانلارا تأثیرینین اولدوغو آچیق هیسس ائدیلیر. ایران رس‌میلری آذربایجانین آمئریکا و ایسرایلله موناسیبتلرین‌دن نارازی‌دیر. ساده اینسانلاردا بونو تکرارلاییر. اینسانلارین آزاد اینفورماسییایا چیخیشی اولمادیغین‌دان حکومتین سیاستینی یایان مئدیادان معلومات آلماغا مجبوردور. بو اؤلکه‌ده اساس خبر داشیییجی‌سی اولان سایتلار و سوسیال شبکه‌لره محدودیتلر قویولوب».

حافیظ بابالی ایران‌دا یاشایان آذربایجان‌لیلارین ایرانین اونلارا قارشی سیاستین‌دن آچیق نارازی‌لیق ائتدیینی بیلدیریب. «آذربایجان‌لیلار هر یئرده گور سسله ایران حکومتینین اونلارین آنا دیلین‌ده اوخوماق، مئدیایا صاحب اولماق و دانیشماق حقوقونو تاپدادیغینی بیلدیریر».

  آمریکا سسی

یوروم یازین

Back to Top