دیل سئچین

ایران‌دا پارلامنت سئچکیلری و اقتصادی بحران

اویان نیوز: ایران‌دا میلیونلارلا سئچیجی و یوزلرله نامیزدین ایشتیراک ائدجیی سئچکیلرده ایرانین ایکی ان واجیب شخصی پارلامئنت اوغرون‌دا موباریزه آپارمایاجاق.

آنجاق آنالیتیکلرین فیکرینجه پرئزیدئنت محمود احمدی‌نژاد و آلی دینی لیدئر آیت الله علی خامنه ای آراسین‌داکی فرق‌لی باخیشلار سئچکیلرین نتیجه‌لرینه تأثیر گؤستره‌جک.

ایکی لیدئر آراسین‌دا مارت آیینین ۲-ده کئچیریله‌جک پارلامئنت سئچکیلرینین نتیجرینه تأثیر ائتمک اوغرون‌دا موباریزه آپاریر.

«بو قارشی‌دورمادا یالنیز بیر طرف قالیب اولا بیلر و بو دا آلی دینی لیدئردیر. او، دؤولتین اساس گوجونه مالیک‌دیر» – دئیه لوندون‌دا یئرلشه‌ن کرال بیرلشمیش خیدمتلری اینستیتوتونون آنالیتیکی شاشانک جوشی بیلدیریر.

اونون سؤزلرینه گؤره، بو پروسئس‌دن بئله آیدین اولور کی، پرئزیدئنت ایداره‌سی بو موباریزه‌دن زدلنمیش حال‌دا چیخاجاق.

۲۰۰۹-جو ایلده‌ن بری ایلک سئچکیلر

صاباح کئچیریله‌جک پارلامئنت سئچکیلری ۲۰۰۹-جو ایلده موباهی‌سه‌لی سئچکیلردن بری ایلک سسوئرمه‌دیر.

او زامان سئچکیلرین نتیجه‌لری اینسانلارین اعتراض سسینی اوجالتماسی و موخالیف یاشیل حرکات ایشتیراک‌چیلارینا قارشی قددار زوراکی‌لیقلارلا موشاییت اولونموش‌دو. نوماییشلر زامانی اونلارلا اینسان هلاک اولموش‌دو.

میر حسین موسوی و مهدی کرروبی ده داخیل اولماقلا، اصلاحات‌چی لیدئرلر بیر ایلده‌ن آرتیق ائو دوستاقلیغین‌دا ساخلان‌دیلار. اونلار سسوئرمه‌نین ساختالاشدیریلدیغینی ادعا ائد‌رک، پارلامئنت سئچکیلرینی بویکوت ائدیب.

ائکسپئرت جوشی بیلدیریر کی، حادثه‌لر یاشیل حرکاتین اؤلدویونو گؤستریر: «اگر قالیب‌سا دا، حرکات‌دان یالنیز کؤزردیلر قالیب. اوخشار نوماییشلرین بو ایل ده باش وئرمه‌سینی تخمین ائتمک چتین‌دیر».

سسوئرمه نووه پروقرامی و اینسان حاقلاری پوزونتولاری سببیله ایرانین آرتان تجریدله اوزلشدیی بیر واختا تصادف ائدیر.

پرئزیدئنت احمدی‌نژادا دستک ایشچی سینیگ‌دن قایناق‌لانیر. آنجاق آرتان اینفلیاسییا، او جمله‌دن یان‌جاق و ارزاق سوب‌سی‌دییالارین‌دا ایختیسارلار بو دستیی تهلوکه آلتینا آتیر.

قربین ایرانا یؤنه‌لیک سانک‌سییالاری اقتصادی جهت‌دن ایرانا تأثیر ائتمه‌یه باشلاییب.

آنجاق جوشی دئییر کی، سئچکی نتیجه‌لری ایرانین نووه سیاستینی دییشمه‌یه‌جک.

اینسان حاقلاری قروپلارینین خبردارلیغی

اینسان حاقلاری قروپلاری بیلدیریر کی، ایرانین دیسسیدئنتلرینین تعقیبلری گئنیش‌لنیر.

«رس‌میلر آنلادی کی، اونلار Twitter-این، Facebook-اون و Youtube-اون گتیرجیی سون‌لوغو گؤرمک ایستهمیرلر» – دئیه آمنئستی اینتئرناسیونال-این ایران اوزره ائکسپئرتی درئوئری دوک بیلدیریر.

اونون سؤزلرینه گؤره، بونون قارشی‌سینی آلماق اوچون اؤلکه‌ده کیبئر-اوردو، باشقا سؤزله کیبئر-پولیس یارادیلیب. دوک دئییر کی، موخالیف حرکات ساکیت قالمایاجاق.

«بو، بئله قالا بیلمز. سیستئم‌ده گرگین‌لیک و تضییقلر وار. نؤوبتی پارلامئنتاریلر ده بونو آنلامالی‌دیر» – دئیه او بیلدیریر.

بو تضییقلر ۲۰۱۳-جی ایلدک هیسس ائتدیریلمه‌لی‌دیر. همین ایل ایران اوچون موهوم اهمیت کسب ائد‌ن پرئزیدئنت سئچکیلری کئچیریله‌جک.

ایرانین پارلامئنت سئچکیلری باره‌ده فاکتلار

نامیزدلر کئشیک‌چیلر شوراسی طرفین‌دن تصدیق ائدیلیر.

قئیدیات‌دان کئچمیش ۵۳۹۵ نفردن ۳۴۴۴-نون نامیزدلیگی قئی‌ده آلینیب.

پارلیامئنت‌ده ۲۹۰ یئر وار.

سئچیجیلرین یاشی ۱۸ و یا یوخاری اولمالی‌دیر.

۷۴ میلیون اهالی‌سی اولان ایرانین سس وئرمک حقوقونا مالیک ۴۸ میلیون سئچیجی‌سی وار.

سسوئرمه‌نین نتیجه‌لری ال‌له حساب‌لانیر.

  آمریکا سسی

یوروم یازین

Back to Top