دیل سئچین

"ایران آذربایجان‌لیلارینین حقوقلارینی دستکلیین!"

اویان نیوز: ۲۱ فورال بئینلخالق آنا دیلی گونو موناسیبتیله کئچیریله‌ن تدبیرده اوزرینده “ایران آذربایجان‌لیلارینین حقوقلارینی دستکلیین”، “سیاسی محبوسلاری آزاد ائدین” سؤزلری یازیلمیش پلاکاتلار قالدیریلیب، “ایران یالنیز فارسلارین دئییل” کیمی شوعارلار سسلندیریلیب.

تدبیر زامانی اوخونولار بیاناتدا دئییلیر کی، ایران فارسلارلا برابر آذربایجان‌لیلار، کوردلر، بلوچلار، لرلار، تورکمن و دیگر خالقلارا وطن‌دیر. “ایرانین ان بؤیوک ائتنیک قروپو اولان تورکلر ایران اهالی‌سینین اوچده بیر (اویان نیوز: ایکیده بیر) هیسه سی‌سینی تشکیل ائدیر. ایرانین آذربایجان‌لی اینسان حقوقلاری مدافعه‌چیلری یاساق‌لانان آنا دیلین‌ده تحصیل اوغرون‌دا موباریزه آپاریر، باخمایاراق کی، ایران کونستیتوسییاسی هر بیر دیلده سربست تحصیل حقوقولارینی تامین ائدیلیر،” دیه بیاناتدا بیلدیریلیر.

سندده دئییلیر کی، ایرانین حاضیرکی رژیمی سابیق پهلوی رژیمی کیمی غیری-فارس قروپلاری فوندامنتال حقوقلارین‌دان محروم ائدیب. یرلی مطبوعات، ایداره‌چیلیک و رسمی سندلشدیرمه‌لرین آذربایجان تورکجه‌سین‌ده آپاریلماسی قاداغان ائدیلیب.

تدبیر ایشتیراکچیلاری آراسین‌دا آذربایجان‌لیلارا دستیینی نوماییش ائتدیر‌ن آمریکالیلار دا اولوب. آماندا داتریچ آذربایجان-آ ب ش شبکه‌سینین نماینده‌سی‌دیر: “من بو گون بورایا ایران آذربایجان‌لیلارینین تعقیب و تضییقلره معروض قالماسی، آنا دیلده تدریس آلا بییلمه‌مه‌سی، اوشاقلارینا تورک آدلاری وئره بیلمه‌مه‌سینه آ ب ش دؤولت دپارتامئنتیندن دیپلوماتیک یوللاری واسطه‌سی ایله دقتلری جلب ائتمک اوچون گلمیشم،” دئیه او بیلدیریب.

بینلخالق آنا دیلی گونو ۱۹۹۹-جو ایلین نویابرین‌دا یونسکو-نون باش کونفران‌سین‌دا اعلان ائدیلیب و ۲۰۰۰-جی ایلین فورال آیین‌دان اعتباراً هر ایل دیلچیلیک، مد‌نی موختلیفلیک و چوخدیللی‌لیگی تبلیغ ائتمک اوچون قئید ائدیلیر.

آمریکا سسی

یوروم یازین

Back to Top