دیل سئچین

ایران-پاکیستان دوغال گاز بورو خطی پروژه‌‌سینه تپکی

اویان نیوز: آمریکا خاریجی ایشلر باخانلیغی سؤزجوسو ویکتوریا نولاند، ایران ایله پاکیستان آراسیندا اینشاسینا باش‌لانان دوغال گاز بورو خطی پروژه‌‌سی‌نین یئنی یاپدیریم‌لاری گتیره‌بیله‌جگینی سؤیله‌دی

ایران-پاکیستان دوغال گاز بورو خطی پروژه‌‌سینه آمریکا تپکی گؤستردی.

آمریکا خاریجی ایشلر باخانلیغی سؤزجوسو ویکتوریا نولاند آچیقلاماسیندا، ایران ایله پاکیستان آراسیندا اینشاسینا باش‌لانان دوغال گاز بورو خطی پروژه‌‌سی‌نین یئنی یاپدیریم‌لاری گتیره‌بیله‌جگینی سؤیله‌دی. سؤز مؤوضوسو پروژه حاقیندا واشینگتون یؤنتیمی‌نین باشین‌دان بری راحاتسیز اولدوغونو دیله گتیرن نولاند، پاکیستان یؤنتیمینه بو راحاتسیز‌لیق‌لاری دفعه‌لرله بیلدیردیک‌لارینی ایفاده ائتدی. پاکیستانین انرژی احتیاجینی قارشیلاماق اوچون بیرلیکده چالیشماغی و آلتئرناتیو انرژی منبع‌لرینه چاتماق مؤوضوسوندا اسلام آباد رهبرلیگینه تکلیف‌لر سوندوقلارینی ایفاده ائدن نولاند، پاکیستانین ایران ایله انرژی آنلاشماسی ائتمکله یانلیش ایستیقامتی سئچدیگینی قید ائتدی.

ایران ایله پاکیستان آراسیندا باریش بورو خطی اولا‌راق دا آدلان‌دیریلان ۱۴۰۰ کیلومتر اوزونلوغون‌داکی پروژه‌نین ۲۰۱۴.جو ایلین سونوندا تاماملانماسی پلانلاشدیریلیر. ایکی اؤلکه آراسیندا ۲۰۱۰.جو ایلده ایمضا‌لانان ایران-پاکیستان دوغال گاز بورو خطی پروژه‌‌سی ۷،۵ میلیارد دو‌لارا باشا گله‌جک. پروژه تاماملاندیقدا ایران‌دان پاکیستانا ۲۵ ایل بویونجا گونده ۲۱،۵ میلیون مکعب متر گاز آخیشی تامین ائدیله‌جک. سون ایللرده چوخ جدی انرژی بحرانی یاشایان و اکونومیسی منفی تأثیرلنن پاکیستانین ایران‌دان آلاجاغی طبیعی گاز ایله انرژی پروبلئمی‌نین اؤنم‌لی درجه‌ده حله قوووشاجاغی ایفاده ائدیلیر.

ت رت

یوروم یازین

Back to Top