دیل سئچین

ایران پرزیدنتی و ۲۶۵ دئپوتات خامنه ای‌دن عذر ایسته‌ییب

اویان نیوز: عذر ایسته‌مه‌لر فئورالین ۳-ده پارلامئنت‌ده باش وئر‌ن قالماقاللا باغلی‌دیر

ایران پارلامئنتینین ۲۶۵ دئپوتاتی فئورالین ۱۷-ده دینی لیدئر آیت الله علی خامنه اییه مکتوب یازاراق ایکی هفته اول باش وئره‌ن قالماقالا گؤره عذر ایسته‌ییب.

دئپوتاتلارین مکتوبو خامنه اینین فئورالین ۱۶-دا بیر قروپ تبریز اهالیسی قارشی‌سین‌دا چیخیش ائتمه‌سین‌دن، چیخیشین‌دا پارلامئنت‌ده‌کی حادثه‌یه توخوناراق پرزیدنت محمود احمدی‌نژادلا پارلامئنت صدری علی لاریجانینی دولایی یوللا قیناماسین‌دان بیر گون سونرایا تصادف ائدیب.

«مئدیا فوروم» سایتینین معلوماتینا گؤره، مکتوب‌دا دییلیر: «بیز دئپوتاتلار الله ین کمکیله رهبریمیزین ایلاهی چاغیریشینی جانی-دیل‌دن دینله‌یه‌رک بون‌دان سونرا عمللریمیزده عدالت، اینصاف و دؤزوملولویو نظره آلاجاغیمیزی، ماکسیموم بیرلییه سبب اولان ایستیقامت‌ده آددیم آتاجاغیمیزی بیل‌دیریریک. بیز سوسیال و امک ناظری عبدالرضا شیخولیسلامینین پارلامئنت‌ده سورغو-سوالا توتولماسی زامانی باش وئره‌ن اولایلارا گؤره سیزدن عذر ایستییر، هر زامان سیزه اطاعت ائدجییمیزی بیل‌دیریریک».

ایران پارلامئنتینین صدری علی لاریجانی و ایران محکمه سیستمینین ریسی صادیق لاریجانی ده آیری-آیری‌لیقدا خامنه اییه مکتوب یازاراق پارلامئنت‌ده باش وئره‌ن قالماقالا گؤره اوندان عذر ایسته‌ییبلر، همیشه اونا تابع اولاجاقلارینی وورغولاییبلار.

ایران پارلامئنتینین ایجلاسین‌دا قالماقال فئورالین ۳-ده یارانیب. همین گون سوسیال و امک ناظری عبدوالرضا شیخولیسلامی بیر چوخ جینایت‌ده اتهام اولونان کئچمیش تهران پروکورورو سید مرتضوینی سوسیال تأمینات تشکیلاتینا رهبر تعیین ائتدیینه گؤره سورغو-سوالا توتولوب. دینلمه‌نین یئکونون‌دا عبدالرضا شیخولیسلامینین ایشده‌ن آزاد ائدیلمه‌سی تکلیفی سسه قویولوب. ۱۹۲ دئپوتات تکلیفین لئهینه، ۵۶ نفر علیهینه سس وئریب. ۲۴ نفر بیطرف قالیب.

سس وئرمه‌دن اول سوسیال و امک ناظرینی دستکله‌مک اوچون پارلامئنته گلن پرزیدنت محمود احمدی‌نژاد چیخیشی زامانی گؤزلنیلمه‌دن ایران پارلامئنتینین صدری علی لاریجانینین قارداشی فاضل لاریجانی ایله سید مرتضوی آراسین‌دا گئدن بیر صحبتین گیزلی لئنت یازی‌سینی پارلامئنت تریبوناسینین میکروفونون‌دان یایماغا باشلاییب. احمدی‌نژاد بو سس یازی‌سینی یایماقلا دولایی یوللا علی لاریجانینی و اونون قارداشلارینی وظیفه‌لرین‌دن سوی-ایستیفاده ائتمک‌ده، اؤز مادی ماراقلارینی گودمک‌ده گوناهلاندیریب.

گیزلی سس یازی‌سینین یاییلماسینی اؤزونه و قارداشلارینا قارشی تخریبات آدلان‌دیران علی لاریجانی محمود احمدی‌نژادین سؤزونو کسه‌رک اونا قارشی سرت بیاناتلار سسلندیریب. احمدی‌نژاد جاواب وئرمک اوچون اونا واخت آیریلماسینی ایسته‌ییب. آنجاق پارلامئنتین صدری پرزیدنتین طلبینی رد ائدیب. بون‌دان سونرا محمود احمدی‌نژاد ایجلاسی یاریمچیق قویاراق پارلامئنتی ترک ائدیب.

اؤز نؤوبنه‌سین‌ده ایران پرزیدنتی محمود احمدی‌نژاد فئورالین ۱۷-ده اؤلکه‌نین دینی لیدئری آیت الله علی خامنه اییه مکتوب یازیب.

«مئدیا فوروم» سایتی خبر وئریر کی، احمدی‌نژاد قیسا مکتوبون‌دا بونلاری قئید ائدیب: «سیزین فئورالین ۱۶-داکی چیخیشینیزی نظره آلاراق بیل‌دیریرم کی، من و حکومت‌ده‌کی دیگر همکارلاریم سون آنا قدر ایسلام اینقیلابینین دیرلرینه صادق قالاجاق، اؤلکه‌نین و خالقین قوللوغون‌دا دوراجاغیق. سیزی امین ائدیر‌م کی، میللتیمیزین قوللوق‌چولاری اولاراق بوتون جهدیمیز اؤلکه‌نین یوکسلمه‌سی، پروبلئملرینین ایسه حلی ایستیقامتینه یؤنه‌له‌جک. بیز اؤلکه‌نین میللی ماراقلارینا قارشی ان کیچیک آددیمی بئله آتمایاجاغیق. منیم و حکومتین دیگر عضولرینین سیزه اولان حؤرمتی و باغلیلیغی دایمیدیر».

قافقاز اینفو

یوروم یازین

Back to Top