دیل سئچین

ایسالنبولدا گانگنام استایل جوشقوسو

اویان نیوز: گانگنام استایل آدلی ماهنیسییلا دونیادا اونه قوووشان گونئی کره‌لی موغنی پارک ژی-سانگ، ایستانبول تپه‌باشیندا وئردیگی کونسرتله حیرانلارینی جوشدوردو

گانگنام استایل آدلی ماهنیسییلا دونیادا اونه/شهرته قوووشان گونئی کره‌لی موغنی پارک ژی-سانگ، ایستانبول تپه‌باشیندا وئردیگی کونسرتله حیرانلارینی جوشدوردو.

صنعتچی‌نین گانگنام استایل ماهنیسییلا دویونجا ایله‌نن موسیقی‌سئورلر، کونسرتین قیسا سورمه‌سینی ائلشدیردی. گانگنام استایل ماهنیسییلا اینترنتده تیخلانما رکوردو قیران، دونیاجا اونلو موسیقی اؤدوللرینده بیرینجی اولان پارک ژی-سانگ، ایستانبول بلو نایت فستیوا‌لی چرچیوه‌سینده بی‌اوغلوندا صحنه‌یه چیخدی. پارک ژی-سانگ، صحنه‌ده قالدیغی مدتجه گانگنام استایل ماهنیسییلا اؤزدش‌لشن رقصی ایله حیرانلارینی جوشدوردو. تخمینا یاریم ساعات داوام ائدن کونسرت بویونجا حیرانلاری پارک ژی-سانگین پئرفورمانسییلا ایله‌ندی. خالقا آچیق اولان کونسرته ساعات‌لار اؤنجه قاپیدا سیرا‌لار میدانا گتیرن موسیقی‌سئورلر، قاپی‌لارین آچیلماسی ایله کونسرت ساحه‌سینده یئرلرینی آلدی. بؤیوک ماراغین اولدوغو کونسرتده صنعتچی‌نین حیرانلارینا، پارک ژی-سانگ گؤزلوگو و ماسکی پایلاندی.

کونسرت ساحه‌سینده یالنیز گانگنام استایل ماهنی‌سینی سسلن‌دیرن پارک ژی-سانگ، سویوق و یاغیش‌لی هاوایا باخمایا‌راق کونسرته گلن حیرانلارینا تشکر ائتدی. تورکیه‌دن “قارداش اؤلکه” اولا‌راق بحث ائدن پارک ژی-سانگ، “قارداش اؤلکه اولان تورکیه‌ده سیزلرله اولماق‌دان موتلویام. سویوق، و یاغیش‌لی هاوایا باخمایا‌راق بورادا اولدوغونوز اوچون هامینیزا تشکر ائدیرم” دئیه دانیشدی. موغنی‌نین پئرفورمانسینی دگرلن‌دیرن حیرانلاری، پارک ژی-سانگی باشاری‌لی گؤردوک‌لرینی ایفاده ائتدی. چوخ ایله‌ندیک‌لرینی ایفاده ائدن موسیقی‌سئورلر، کونسرتین قیسا سورمه‌سین‌دن یاخیندی. کونسرته اوشاق‌لارین بؤیوک ماراق گؤستردیگی گؤرولدو.

ت ر ت

یوروم یازین

Back to Top