دیل سئچین

ایستانبولدا آرابولوجولوق کنفرانسی

اویان نیوز: ایستانبولدا تشکیل ائدیلن ایکینجی آرابولوجولوق کنفرانسیندا، دونیادا اؤنه چیخان چاتیشما بؤلگه‌لرین‌دکی پروبلئم‌لره چؤزوم یول‌لاری مذاکیره ائدیلدی

اولوسلارآراسی پروبلئم‌لرین باریشجیل چؤزومونه، تورکیه‌دن تام دستک.

ایستانبولدا تشکیل ائدیلن ایکینجی آرابولوجولوق کنفرانسیندا، دونیادا اؤنه چیخان چاتیشما بؤلگه‌لرین‌دکی پروبلئم‌لره چؤزوم یول‌لاری مذاکیره ائدیلدی. کنفرانسا، چاتیشما بؤلگه‌لرینده آکتیو رول آلان بیرلشمیش میللت‌لر تشکیلاتی‌نین، آوروپا و آفریقا بیرلیگی یئتکیلی‌لری ایله سیویل توپلوم اؤرگونلریندن‌ ۲۵۰ نماینده قاتیلدی.

تورکیه‌نین آرابولوجولوق رولونو، اؤزونه آوانتاژ ساغلاماق اوچون ائتمه‌دیگینی وورغولایان خاریجی ایشلر باخانی احمد داووداوغلو، “بؤلگه‌نیزده و دونیادا باریش اولمازسا، اؤلکه‌نیزده ده باریش اولماز” دئدی. اوتورومون اساس مؤوضوسو، “ائتکین/موثر آرابولوجولوق اوچون آچارلار: ایچری‌دن بیر باخیش” اولا‌راق تعیین اولوندو. کنفرانسا سوریه‌ده‌کی گلیشمه‌لر دامغاسینی ووردو. اؤلکه‌دکی وضعیته اولوسلارآراسی توپلومون داها چوخ قیدسیز قالماماسی لازیم اولدوغو گؤروشو اؤنه چیخدی.

خاریجی ایشلر باخانی احمد داووداوغلو، سوریه‌ده‌کی گلیشمه‌لره وورغو ائتدی. سوریه‌ده حکومت پروبلئمی اولدوغونو قید ائدن داووداوغلو، “تورکیه اولا‌راق سیاستیمیز، سوریه‌‌ده خالق و دؤولت آراسین‌داکی پروبلئمین چؤزومونه آراچی اولا‌راق کؤمک ائتمک. بونون اوچون شخصاً من ۷ ساعات سوریه لیدئری اسد ایله گؤروشدوم اما قانع ائده‌بیلمه‌دیم. سوریه‌ده آرابولوجولوق چالیشمامیز باشاریلی اولا‌بیلمه‌دی” دئدی. داووداوغلو “کیمسه‌نین سوریه خالقینا بیر شئی دیکته ائتمه حاقی یوخ‌دور” شکلینده دانیشدی.

احمد داووداوغلو ایله کنفرانسین ائش باشقان‌لیغینی یئریدن فنلاند خاریجی ایشلر باخانی ائرکی توومیوژا دا، اولوسلارآراسی توپلومون، سوریه‌ده‌کی گلیشمه‌لردن منفی ائتکیلنن قونشو اؤلکه‌لره دستک اولماسی لازیم اولدوغونو سؤیله‌دی.

 ت رت

یوروم یازین

Back to Top