دیل سئچین

ایسرایل مدافعه ناظری سورییادا هاوا هوجومو ایله باغلی آچیقلاما وئریب

اویان نیوز: ایسرایلین مدافعه ناظری ائهود باراک سورییایا هاوا هوجومونو شرح ائد‌رک دئییب کی، بو، ایسرایلین آغیر سلاحلارین لیوانا آپاریلماسینین قارشی‌سینی آلماق مسئله‌سین‌ده جیددیینی نوماییش ائتدیریر.

ائهود باراکین بو آچیقلاماسی ایسرایلین ایلک دفعه‌دیر عملیاتا گؤره مسولیت داشیدیغینا ایشاره ائتمه‌سی کیمی قیمتلندیریلیر.

ایسرایل رئید حیاتا کئچیریله‌ن‌دن سونرا رس‌می آچیقلاما وئرمه‌ییب. لاکین آ ب ش و رئگیونال منبع‌لره اساساً سورییادان لیوانا راکئت‌دن مدافعه قورغولاری داشییان حربی ماشین کونوویو ایسرایلین طیاره‌سی طرفین‌دن هوجوما معروض قالیب. آوادان‌لیق لیوان‌دا بئله گؤرونور هیزبوللاه یاراق‌لی قروپو اوچون نظرده توتولوردو.

بازار گونو مونهئن‌ده تهلوکه‌سیزلییه دایر کونفرانس‌دا دانیشان ائهود باراک ایسرایلین هوجوما گؤره مسولیتی بیرباشا اؤز اوزرینه گؤتوردویونو دئمه‌ییب.

سورییا حکومتی ایسرایلین حربی طیاره‌لرینین دمشق اطرافین‌دا یئرلشه‌ن جامرایا حربی تدقیقات اوبیئکتینه هوجوم ائتدیینی بیلدیریب.

هوجوما رئاک‌سییا وئره‌ن سورییا پرئزیدئنت بشار ال-اسد ایسرایلین سورییادا قئیری-ثابت‌لیک یاراتماق‌دا اتهام ائدیب و اؤلکه‌نین حربی قوه‌لرینین تجاووزون قارشی‌سینی آلا بیلجیینی دئییب.

سورییانین موتتفیقلری اولان ایران و روسیا، هابئله هیزبوللاه قروپو ایسرایلین هوجومونو پیسله‌ییب.

قایناق آمریکا سسی

یوروم یازین

Back to Top