دیل سئچین

ایسراییل‌ین عذر ایستمه‌سینه باغلی دونیادان تپکی‌لر

اویان نیوز: آمریکا پرزیدنتی باراک اوباما، اردنا واریشیندا وئردیگی آچیقلامادا، ایسراییل ایله تورکیه‌نین آمریکا یؤنتیمی باخیمین‌دان چوخ اؤنم‌لی ۲ متفیق اولدوغونو قید ائتدی

ایسراییلین ۹ تورک وطنداشی‌نین حیاتینی ایتیردیگی ماوی مارمارا سالدیریسیندان اؤترو تورکیه‌دن عذر دیلمه‌سی، اولوسلارآراسی توپلومدا گئنیش شکیلده یانقیلاندی.

آمریکا پرزیدنتی باراک اوباما، اردنا واریشیندا وئردیگی آچیقلامادا، ایسراییل ایله تورکیه‌نین آمریکا یؤنتیمی باخیمین‌دان چوخ اؤنم‌لی ۲ متفیق اولدوغونو قید ائتدی. کرال عبدالله ایله بیر مطبوعات کنفرانسی تشکیل ائدن اوباما، ایسراییل ایله تورکیه‌نین هر مؤوضودا آنلاشما مجبوریتینده اولمادیغینی ایفاده ائده‌رک، “آنجاق ایلیشکی‌لرین نورماللاشماسینین تام زامانی. ایلیشکی‌لرین نورماللاشماسی ۲ اؤلکه‌نین ده چیخارینا” دئدی.

جروزالم پست قزئتینه موصاحیبه وئرن یوکسک سویه‌لی بیر ایسراییل‌لی یئتکی‌لی ده تورکیه ایله ایلیشکی‌لرده یئنی بیر صحیفه آچمانین، هم سوریه، هم ده دیگر گلیشمه‌لر نظره آلینینجا چوخ چوخ اؤنم‌لی اولدوغونو سؤیله‌دی.

آوروپا بیرلیگی خاریجی ایشلر و گوونلیک سیاستی یوکسک نماینده‌سی کاترین آشتونین سؤزچوسو، “بو اولوملو آددیملا باغلی خبرلردن چوخ ممنون اولدوق. تورکیه و ایسراییل، آوروپا بیرلیگی‌نین اؤنم‌لی اورتاق‌لاری‌دیر و ایلیشکیلری‌نین یاخشیلاشماسی اورتادوغودا باریش و تهلوکه‌سیزلیک گؤرمک ایسته‌ین هر کسین چیخارینا‌دیر” دئدی.

بیرلشمیش میللت‌لر تشکیلاتی‌نین باش کاتیبی بان کی مون دا ایسراییلین تورکیه‌دن عذر ایستمه‌سیندن ممنونیت دویدوغونو ایفاده ائتدی.

تورکیه قارشیدلیغی ایله تانینان اسکی ایسراییل خاریجی ایشلر باخانی آویگدور لیبرمان ایسه نتانیاهویا اود پوسکوردو. لیبرمان، نتانیاهونون عذر ایستمه‌سی‌نین، ایسراییل عسگری‌نین موتیواسیونونا ضربه ووراجاغینی ادعا ائتدی.

ایسراییلده آنا مخالیفت پارتیسی لیدئری شئلی یاچیموویچ، نتانیاهونو دستکله‌یه‌رک، “اؤلکه‌نین یاخشی‌لیغی اوچون قورور بیر طرفه بوراخیلابیلر” دئدی. آمریکا یهودی تشکیلات‌لاری دا گلیشمه‌نی سئوینجله قارشیلادی. یهودی تشکیلاتلاریندان‌ وئریلن آچیقلامادا، ایکی اؤلکه آراسین‌داکی ایلیشکی‌لرین نورماللاشماسی، بؤلگه‌دکی استقرارسیزلیغین سونا چاتماسیندا فایدا‌لی اولاجاغی ایفاده ائدیلدی.

خبر، برزیلیا‌دان پرتغالا، روسیا‌دان ایسوئچه اولوملو قارشیلاندی. ایسوئچ خاریجی ایشلر باخانی کارل بیلدت، گلیشمه‌نین هر ایکی اؤلکه‌نین ده چیخارینا اولدوغونو وورغولارکن، پرتغال مطبوعاتی “ایسراییل تورک میللتین‌دن عذر ایسته‌دی” باش‌لیغینی آتدی. برزیلیا مطبوعاتی، ایسراییلین ۳ ایل آرا‌دان سونرا ایلیشکی‌لری جانلان‌دیرماق ایسته‌دیگینه دقت چئکدی.

ت رت

یوروم یازین

Back to Top