دیل سئچین

ایلهام علیو آذربایجان خالقینی تبریک ائتدی

اویان نیوز: «بو بایرام هر عائله‌یه بول روزی-برکت و خوش اووقات گتیرسین» پرئزیدئنت ایلهام علیو  آذربایجان خالقینی قارشیدان گلن نووروز بایرامی موناسیبتیله تبریک ائدیب.

«قافقازینفو»نون معلوماتینا گؤره، پرئزیدئنت هر کسه جانساغلیغی، گله‌جک ایشلرین‌ده ایسه یئنی-یئنی اوغورلار آرزولاییب: «کئچمیشیمیزین ان درین قاتلاریندان گلن نووروز بایرامی خالقیمیزین منویات دونیاسینین آیریلماز حیسه‌سی اولوب، اودلار دیاریندا همیشه اوجا توتولوب. آذربایجانی قدیم سیویلیزاسییانین مرکزلریندن بیری کیمی تانیدان میسیلسیز دیرلریمیز سیراسیندا مقدس نووروز عنعنه‌لری موثتسنی مؤقعیه مالیکدیر. اؤتن دؤورلرین تعقیب و تضییقلرینه باخمایاراق، همین عنعنه‌لری گونوموزدک لاییقینجه قورویوب ساخلاماسی خالقیمیزین بشر مدنیتی قارشیسیندا موثتسنی خیدمتلریندندیر. نووروز بایرامینین موغام و آشیق صنعتی ایله یاناشی، یونسکو طرفیندن بشریتین غیری-مادی ارثینین شاه اثرلری سیراسینا داخیل ائدیلمه‌سی اصلینده هر بیر آزربایجانلینین نایلیتیدیر. باهار بایرامی عرفه‌سینده پایتاخت و بؤلگه‌لرده کئچیریله‌ن اوچونجو بینلخالق موغام فئستیوالی دا بؤیوک تاریخی-مد‌نی ارثیمیزی بوتون زنگینلیگی ایله بیر داها نوماییش ائتدیرمک ایمکانی وئردی. نهنگ اینفراستروکتور لاییحه‌لرینین آردیجیل گئرچکلشمه‌سینین نتیجه‌سی اولاراق سرعتله مودرنلشن اؤلکه‌میزده یاز بایرامی مد‌نی ارثه قایغیکئش موناسیبتین و اننوی دیرلره باغلیلیغین رمزینه چئوریلمیش‌دیر. موستقیل آذربایجانین دینامیک اینکیشافلا سجییلنن معاصر حیاتی و یوردون بوتون گوشه‌لرینی احاطه ائد‌ن گئنیشمیقیاسلی قوروجولوق-آبادلیق ایشلری ایسه بایرامین یئنیلشدیریجی آب-هاواسی ایله هماهنگدیر. بو عزیز گونلرده من هامینیزا باهار اهوال-روهییه‌سی آرزو ائدیره‌م. آذربایجان‌چی‌لیق مفکوره‌سی اطرافین‌دا میللی همری‌لیک دویغوسو ایله سیخ بیرلشن و اؤلکه‌میزین حدودلاریندان کناردا بایرامی بیزیمله بیرگه قارشیلایان سویداشلاریمیزا سلاملاریمی یئتیریرم. قوی بو بایرام هر عائله‌یه بول روزی-برکت و خوش اووقات گتیرسین! نووروز بایرامینیز موبارک اولسون!».

قافقاز اینفو

یوروم یازین

Back to Top