اویان نیوز: ۳۳ درس‌دن عبارت اولان بو پروقرامین مقصدی گونئی آذربایجانلی بالالارا الیفبانی اؤیرتمکدیر. اوشاقلاریمیز بو پروقرامین کمکی ایله اوخوماق و یازماغی آسانلیقلا اؤز آنا دیللرینده اؤیره‌نه‌جکلر.
پروقرامین شن و جلبئدیجی اولماسینا چالیشیلیب. بو مقصدله، اؤیره‌نمه پروسئسینه چئشیدلی اویونلار دا داخیل ائدیلیب.
پروقرامدا همچینین اوشاق شئیرلرینه ده یئر وئریلمیش‌دیر.
«الیفبا» پروقرامینی الده ائتمک ایسته‌یه‌نلر تبریزده ارک نشریاتینا ( «تربیت» خیابانی ایله اوزبه اوز)، تهران‌دا «اندیشیه نو» نشریاتینا («اینقیلاب میدانی») مراجعت ائده و یا omidniayesh@yahoo.com الکترون اونوانی ایله علاقه ساخلایا بیلرلر.
اومید ائدیریک کی، بو پروقرام واسطه‌سیله اؤلکه‌لرینین اونلاردان اسیرگدیی آنا دیلینده تحصیلی اولمایان گونئی آذربایجانلی بالالارین غیری-رسمی تحصیلین‌ده یئنی اوفوقلر آچیلاجاق.
امید نیایش فیسبوک صحیفسی
