دیل سئچین

ایمضا آرتیقلاماسی ایله توپلان‌دی

e262d30a-a92d-49be-af89-363fa677b4b0-444x333

اویان نیوز:  آ ب ش کونقرئ‌سین‌ده گونی آذربایجان تورکلرینین معروض قالدیغی اینسانی و میللی تضییقلرین موذاکیره‌یه چیخاریلماسی اوچون باش‌لانان ایمضاتوپلاما کامپانییاسی اوغورلا باشا چاتیب.

آ ن س پرس-این معلوماتینا گؤره، طلب اولونان ۲۵ مین ایمضا آرتیقلاماسی ایله توپلانیب. آمریکادا یاشایان سویداشلاریمیزین آ ب ش کونقرسینه ائتدیی مراجعتین دیرلندیریلمه‌سی اوچون آغ ائوین اینترنت سایتین‌دا ایمضا کامپانییاسینا ایستارت وئریلمیش‌دی.

۲۵ مین ایمضانین توپلاناجاغی تقدیرده مراجعته آ ب ش کونقرسین‌ده باخیلمالی ایدی. دونیانین موختلیف اؤلکه‌لرین‌ده یاشایان سویداشلاریمیزین بؤیوک دستیی ایله بیر قدر اول مراجعتی ایمضالایانلارین سایی ۲۵ مینی اؤتوب. قئید ائدک کی، ایمضاتوپلاما کامپانییاسی فئورالین ۱۲-دک اعلان اولون‌سا دا، واختین‌دان اول یئکونلاشیب. آذربایجان تورکلری بو کامپانییانی باراک اوباما آدمینیستراسیاسینا ایران‌دا یاشایان آذربایجان‌لیلارین فوندامنتال اینسان حاقلارینین پوزولماسینی تانیماق اوچون باشلاتمیش‌دیلار. سندده قئید ائدیلیر کی، ایران آدلانان اؤلکه‌ده یاشایان آذربایجان‌لیلارا اؤز آنا دیللرین‌ده تحصیل آلماغا، موستقیل مئدیا اورقانلاری قورماغا، اؤز مدنیتلرین‌دن آزاد شکیل‌ده فایدالانماغا ایمکان وئرمیر: «بو حقوقلاری طلب ائد‌ن میللی-مده‌نی فعاللار اوغورلانیر، حبسخانالاردان ایشگه‌نجه‌لره معروض قالیر، حتی قتله یئتیریلیرلر». مراجعته ایمضا آتانلار اوباما آدمینیستراسییاسین‌دان خاهیش ائدیرلر کی، آذربایجان‌لیلارین اوزلشدیکلری بو پروبلئملری ده ایران آدلانان یئرله باغلی موذاکیره‌لرده قال‌دیرسین.

بعضی اکسپئرتلر گونئی آذربایجان‌دا و ایرانین موختلیف شهرلرین‌ده یاشایان ۳۵ میلیون آزربایجانلینین مسئله‌سینین آ ب ش کونقرئ‌سین‌ده موذاکیره‌یه چیخاریلماسینی جدی مسئله ساییر. حساب اولونور کی، ایران اطرافین‌دا حلقه‌نین دارالماق‌دا اولدوغو بیر زامان‌دا میلیونلارلا آزربایجانلینین طبیعی حاقلارینین تاپ‌دانماسینین دونیانین سوپرگوجو طرفیندن اعتراف اولونماسی سویداشلاریمیزین فایداسینادیر. بو، اون ایللردیر حقوقلاری تاپدانان، آنا دیلین‌ده تحصیل بئله آلا بیلمه‌یه‌ن، فعاللاری زین‌دانلارا آتیلان جنوب‌لو قارداش و باجیلاریمیزین تالئیینه یاشیل ایشیق سالا بیلر. عینی زامان‌دا پروسئسلرین آذربایجانین بوتؤولشمه‌سینه قدر داوام ائده بیلجیی باره‌ده نیکبین یاناشمالار دا مؤوجوددور. قید ائدک کی، فئورالین ۱۰-دا ایکینجی روسییا-ایران محاربه‌سی نتیجه‌سین‌ده آذربایجانین بؤلوشدورولمه‌سینین ۱۸۵-جی ایلدؤنومو تامام اولاجاق. ۱۸۲۸-جی ایل ۱۰ فئورال‌دا روسییا ایله ائگای آراسین‌دا تورکمنچای کندین‌ده باغ‌لانان موقاویله‌یه گؤره، آذربایجانین تاریخی اراضیلرینین چار روسییاسی و ایران آراسین‌دا بؤلوشدورولمه‌سینین بیرینجی حیسه‌سی رسمیلشدیریل‌دی. موقاویله‌نین ایمضالانماسین‌دا تانینمیش روس یازی‌چی‌سی A.S.Qriboyedov و آذربایجان موتفککیری A.A.Bakıxanov دا ایشتیراک ائتمیش‌دی. خالقیمیزین اوریینه داغ چکه‌ن همین بدنام موقاویله‌نی روسییا طرفین‌دن ایوان پاسکئویچ، ایران طرفین‌دن ایسه میرزه عبدول حسن خان ایمضالاییب. آذربایجانین گونئیین‌ده‌کی سویداشلاریمیز ایللردیر کی، حاقلاری اوغرون‌دا موجادیله‌ده‌دیر، شهیدلر وئریرلر، زین‌دانلارا دوشورلر. کیم بیلیر، بلکه ائله آبش کونقرئ‌سین‌ده موذاکیره‌یه چیخاریلاجاق گونئی آذربایجان مسئله‌سی ۱۸۵ ایل اؤنجکی قارا لکه‌نین تمیزله‌نمه‌سی، خالقیمیزین قوووشماسی اوچون ایلک آددیم اولاجاق…

قافقاز اینفو

یوروم یازین

Back to Top